From Wikipedia, the free encyclopedia
Ta Ráth Chairn ny Ráth Cairn (Baarle: Rathcarne ny Rathcarran; Yernish son "Rhaa Charn") ny balley beg as ny Gaeltacht ayns Coontae yn Vee, Nerin. Ta'n balley beg ny lhie mygeayrt 55 km sheear hwoaie veih Divlyn eddyr yn Ooive, Baile Átha Troim as Baile Átha Buí. Ta'n Ghaeltacht hene jeant seose jeh ny baljyn eirinagh shoh: Ráth Chairn, Laimbé, Driseog, Tulach na nÓg, Baile Mhistéala as Doire Longain.
Ráth Chairn | |
---|---|
Y çhapp ayns Ráth Chairn | |
Co-ordnaidyn: 53°36′39″N 06°51′48″W | |
Çheer | Nerin |
Queiggey | Queiggey Lion |
Coontae | Yn Vee |
Dáil Éireann | Yn Vee Heear |
Parlamaid yn Oarpey | Shiar |
Yrjid | 61 m (200 tr) |
Earroo yn phobble (2006)[1][2] | |
- Yn clane | 685 |
Cryss hraa | WET (UTC+0) |
- Sourey (TTSL) | IST (UTC+1) |
Coad(yn) çhellvane | +353 46 |
Ynnyd-eggey | www |
Va'n Ghaeltacht shen bunnit 'sy vlein 1935 tra va shiaght lught thie as feed ass Conamara currit dys thalloo va goit ec Commishoon ny Thallooin ayns Coontae yn Vee. Kione jeh ny smooinaghtyn ashlingagh ayns coorseyn aavioghey ny Yernish rieau v'ayn,[3] as Yernish Chonnaghtey myr çhengey ny mayrey oc. Va thie Commishoon, gowaltys daa acyr as feed, cabbyl, muc arkagh as bannooyn as greieyn bunneydagh eirinagh kiarit da dagh lught thie. Eddyr ny bleeantyn 1935 as 1937 va daaeed lughtyn thie aahoit dys Ráth Chairn, as y skeym shen stiurit liorish Máirtín Ó Cadhain.[4] 'Sy clane, ren 443 feallee aahoiaghey dys Ráth Chairn y Vee. Agh, cha row caaghyn theayagh currit dys ny cummaltee noa, faagail magh y vunscoill - Scoil Uí Ghramhnaigh. Cha row staydys Gaeltacht oikoil currit er y valley beg derrey 1967, ansherbee, as eh lurg troddan liorish Craobh Cearta Sibhialta na Gaeltachta, Ráth Chairn ("Crouw Cair Theayagh ny Gaeltaght, Ráth Chairn"). 'Sy vlein 1973 va sheshaght cho-obbragh ("Comharchumann Ráth Chairn") currit er bun as ee freggyrtagh er son lhiasaghey as bishaghey y voayl.[5] Veih'n traa shen haink er y voayl dy ve ny valley beg lesh agglish Chatoleagh, caaghyn spoyrt, shapp, thie lhionney, as laare-ynnyd theayagh.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.