Queiggey Pomorze
From Wikipedia, the free encyclopedia
She queiggey ayns twoaie y Pholynn ee Queiggey Pomorze (Polynnish: województwo pomorskie, focklit magh myr [vɔjɛˈvut͡stfɔ pɔˈmɔrskʲɛ]; Kashoobish: Pòmòrsczé wòjewództwò). T'eh jeant seose jeh'n chooid smoo jeh Pomorze Gdańskie (y chooid hiar jeh Pomorze shenndeeagh) myrane lesh ard beg çheu hiar jeh'n awin Wisła. Va'n chooid heear mygeayrt Słupsk ny cooid jeh Pomorze Tylne foddey er-dy-henney as va Pomorze Gdańskie as broogh hiar y Wisła ny chooid jeh ard shenndeeagh y Phroosh. Ta'n chooid laaragh jeh'n wheiggey goll er enney myr y Chashoob as ennym y vynlagh Kashoobagh currit er. She Gdańsk y preeu-valley queiggagh.
Queiggey Pomorze Województwo pomorskie |
|||
---|---|---|---|
— Queiggey — | |||
|
|||
Co-ordnaidyn: 54°11′N 18°00′E | |||
Çheer | Y Pholynn | ||
Preeu-valley | Gdańsk | ||
Reiltys | |||
- Kiannoort (Wojewoda) | Ryszard Stachurski | ||
Eaghtyr | |||
- Yn clane | 18,310.34 km² (7,069.7 mi ker) | ||
Earroo yn phobble (2010) | |||
- Yn clane | 2,240,319 | ||
- Glooaght y phobble | 122.4/km² (317/mi ker) | ||
Cryss hraa | CET (UTC+1) | ||
- Sourey (TTSL) | CEST (UTC+2) | ||
Recortyssey carbyd | G | ||
Ynnyd-eggey | www.woj-pomorskie.pl |
Va'n queiggey currit er bun er 1 Jerrey Geuree 1999 rere conaantyn lhiassaghey yn ghurneilys ynnydagh va doltit 'sy vlein 1998. Rere ny conaantyn shen va Pomorze currit er bun magh ass ny shenn-wheiggaghyn Gdańsk, Elbląg as Słupsk. T'eh çhemmit liorish Queiggey Pomorze Heear 'sy neear, liorish Queiggaghyn ny Polynn Mooar as Kujawy-Pomorze 'sy jiass, liorish Queiggey Warmia-Mazury 'sy niar, as liorish y Vooir Valtagh 'sy twoaie. Myrane lesh shen, ta joarey giare ec Pomorze rish y Roosh er Gob Wisła.
Ta Gdańsk, y preeu-valley queiggagh, jannoo seose cooid jeh Trójmiasto myrane lesh Sopot as Gdynia. Ta'n queiggey goaill stiagh Lieh-innys Hel as y lieh Polynnagh jeh Gob Wisła. Ta buill hurryssagh elley goaill stiagh Sopot, Jurata, Łeba, Władysławowo, Puck, Krynica Morska, Ustka, Jastarnia, Kuźnica, Bytów as ram baljyn beggey eeastagh as thieyn sollysh.