![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b3/SDCC_2015_-_Matt_Smith.jpg/640px-SDCC_2015_-_Matt_Smith.jpg&w=640&q=50)
Matt Smith
From Wikipedia, the free encyclopedia
She aghteyr Sostynagh eh Matthew Robert Smith (ruggit er 28 Jerrey Fouyir 1982). Ta enney mie er son e phaartyn myr y chied chorpoilys foalley jeig jeh'n Doctor 'sy straih Doctor Who liorish y BBC as myr Flah Philip 'sy straih The Crown liorish Netflix raad hooar eh enmyssaght son Aundyr Primetime Emmy.
Matt Smith | |
---|---|
![]() Smith ayns Jerrey Souree 2015 | |
Ennym ruggyree | Matthew Robert Smith |
Ruggit |
28 Jerrey Fouyir 1982 (41 bleeaney d'eash) Northampton, Sostyn |
Ynnyd beaghee |
Northampton (en) ![]() |
Seyraanaght | Reeriaght Unnaneysit |
Çhengey | Baarle |
Keird | aghteyr çhellveeish · aghteyr scannane · aghteyr ardan · aghteyr · coonteysseyr |
Bleeantyn obbree | 2003 – jiu |
Ynsagh |
National Youth Theatre (en) ![]() Northampton School for Boys (en) ![]() University of East Anglia (en) ![]() (2002 – 2005) |
Credjue | anjeeys |
Kianglaghyn fysseree as sheshoil | |
IMDb | nm1741002 |
Discogs ID | 2141423 |
Hoshiaght, va Smith geearree ve ny vluckaneyr keirdey, agh ren y spondylolysis cur eh magh ass y spoyrt. Hie eh stiagh 'sy National Youth Theatre jannoo studeyrys er yn aghteyrys as y screeudeyrys crootagh ec Ollooscoill Anglia Hiar, as haink er dy ve ny aghteyr ayns 2003, cloie ayns cloiaghyn goaill stiagh Murder in the Cathedral, Fresh Kills, The History Boys as On the Shore of the Wide World ayns theateryn Lunnin. Sheeyney yn obbyr as ny schleieyn echey stiagh ayns theater West End, t'eh er ny chloie ayns gientynyn ardan Swimming with Sharks marish Christian Slater as myr Henry ayns That Face.
Haink e chied phaart er y çhellveeish ayns 2006 tra ren eh cloie Jim Taylor ayns The Ruby in the Smoke as The Shadow in the North. Haink e chied ard-phaart er y çhellveeish ayns 2007 'sy straih Party Animals liorish y BBC. Chloie Smith y chied chorpoilys foalley jeig jeh'n Doctor voish 2010 derrey 2013. V'eh ny ghooinney s'aa chloie yn karacteyr. 'Sy scannaneaght, ren eh cloie paart dooblagh ayns Womb (2010), as cummaghyn corpagh Skynet ayns Terminator Genisys (2015), y steet Jack ayns Last Night in Soho (2019), as Milo ayns Morbius (2022).