Ellan Bouvet
ellan volcaanagh fo-antarctagh neuchummaltit Norlynnagh From Wikipedia, the free encyclopedia
Ellan Bouvet (Norlynnish: Bouvetøya), she ellan as croghane lesh Norlynn t'eh. Chammah's shen, she thalloo freaylt najooragh coadit gyn pobble t'ayn. She ellan volcaanagh fo-antarctagh t'eh, soit ayns Jiass y Cheayn Sheear ec kione jiass Ghreeym yn Atlantagh Meanagh. T'eh ny ellan smoo fadaneagh er y theihll. Cha nel eh coontit stiagh 'syn ard ta coodit liorish Corys Chonaant yn Antarctagh.
Ellan Bouvet Bouvetøya |
||
---|---|---|
![]() Soiaghey Ellan Bouvet ('sy chiarkyl jiarg) ayns Jiass y Cheayn Sheear
|
||
Çhengey oikoil | Norlynnish | |
Reiltys | Croghane fo monarkaght vunraghtoil | |
- | Monark | Harald V Norlynn |
- | Er ny reirey ec | Shirveishaght Cairys as Sauçhys y Phobble |
Bunneeaght | ||
- | Goit stiagh ayns Norlynn | 23 Jerrey Geuree 1928 |
- | Staydys croghane | 27 Toshiaght Arree 1930 |
- | Thalloo freaylt fogrit | 17 Nollick 1971 |
Eaghtyr | ||
- | Yn clane | 49 km² 19 mi ker |
Earroo yn phobble | ||
- | Ooley | 0 |
Coad eddyr-voggyl | .no, .bv |
Ta'n ellan ny lhie 1,700 km (1,100 mi) çheu hwoaie voish Coose y Ven-Phrinse Astrid ayns Thalloo y Venrein Maud, yn Antarctagh, 1,900 km (1,200 mi) çheu hiar voish Ellanyn Sandwich Yiass, 1,845 km (1,146 mi) çheu yiass voish Ellan Gough, as 2,600 km (1,600 mi) çheu yiass sheear yiass voish coose yn Affrick Yiass. T'eh 49 km2 (19 mi ker) er eaghtyr as 93% jeh coodit liorish awin rioee. She towl volcaan neuvioyr eh çheshvean yn ellan as t'eh lhieent liorish rio. Rish y choose, foddee çheet er shiartanse dy skeryn as un ellan veg, Larsøya. She Nyrøysa, va crooit liorish skyrrey creggey car ny 1950yn jeianagh, yn ynrican callee as ta stashoon emshir soit ayn.
Chur y Frangagh Jean-Baptise Charles Bouvet de Lozier shilley er yn ellan da'n chied cheayrt er 1 Jerrey Geuree 1739, car mishoon ronsee Frangagh ayns Jiass y Cheayn Sheear lesh ny lhongyn Aigle as Marie. Ansherbee, cha ren ad tarlheim er yn ellan. Chur eh sheese ny co-ordnaidyn neuchiart da'n ellan as cha ren peiagh erbee elley shilley er yn ellan derrey 1808 tra haink y shelgeyr meeyl mooar Goaldagh James Lindsay er, as denmys eh yn ellan Ellan Lindsay. Dooyrt y shiaulteyr Americaanagh Benjamin Morrell dy nee eshyn va'n chied dooinney cass y chur er yn ellan, agh cha nel eh shickyr. Ayns 1825, dyllee George Norris yn ellan er lieh y Chrooin Ghoaldagh as denmys eh yn ellan Ellan Liverpool. Ren eh fou dy row ellan elley ry-laue as denmys eh yn ellan shoh Thompson Island, agh haink yn ellan shoh dy ve ny ellan scaanjoonagh.
Ayns 1927, ren y chied turrys-contoyrtys Norvegia tarlheim er yn ellan, as dyllee eh yn ellan er lieh Norlynn. Ec y traa shen, hooar yn ellan e ennym roie, Bouvet Island ("Bouvetøya" 'sy Norlynnish). Ayns 1930, lurg reaghys arganeys lesh y Reeriaght Unnaneysit bentyn rish cairyn ennymagh, v'eh fogrit magh myr croghane Norlynnagh. Ayns 1971, v'eh fogrit magh myr thalloo freaylt najoor.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.