![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f8/Model_Posing_On_Typical_Studio_Set.jpg/640px-Model_Posing_On_Typical_Studio_Set.jpg&w=640&q=50)
Craishteyder
keird / From Wikipedia, the free encyclopedia
Ta craishteyder çheet er dooinney ta ardjaghey, moylley, taishbyney, ny soilshey magh gientynyn traghtee (eaddeeyn fassan ayns taishbynyssyn fassan son y chooid smoo), ny gobbraghey myr coodaghyn sooilley da deiney ta croo obbraghyn ellyn, ny ta cur adsyn hene ny hassoo son fotografeeaght. Ga dy nee mraane y chooid smoo jeh craishteyderyn, ta craishteyderyn firryn ayn chammah, son craishtey eaddeeyn er lheh. Foddee craishteyderyn gobbraghey dy keirdagh dy taghyrtagh.
![Thumb image](http://upload.wikimedia.org/wikipedia/commons/thumb/f/f8/Model_Posing_On_Typical_Studio_Set.jpg/640px-Model_Posing_On_Typical_Studio_Set.jpg)
Ta'n craishtey coontit myr sorçh er lheh jeh'n chloie theayagh, neughollrish cloie ny daunse. Ga nagh vel yn anchaslys leayr eddyr y chraishtey as y cloie, cha nel tuarystalyn ayns scannaneyn ny ayns cloiaghyn coontit myr "craishtey". Gollrish shen, cha nel tuarystalyn ayns soilsheeyn çhellveeish coontit myr craishtey. Dy cadjin, cha nel y craishteyder loayrt. Cha nel barelyn persoonagh currit roish son y chooid smoo as ta ard-ghoo as caslys y chraishteyder coontit feer scanshoil.
Ta sorçhyn jeh'n chraishtey goaill stiagh: craishteyderyn fassan, drualtagh, follanid, bikini, ellyn ooasle, moyllagh, an-ghraagh as traghtee. Shimmey cummey ym-ysseraght ta taishbyney craishteyderyn: lioaryn, earishlioaryn, pabyryn-naight, yn eddyr-voggyl, as y çhellveeish. Ta'n craishtey fassan myr keird ry-akin ayns scannaneyn (Prêt-à-Porter as Looker), claareeyn çhellveeish rieughid (Britain's Next Top Model as The Janice Dickinson Modeling Agency) as feeshanyn kiaull ("Freedom! '90", "Wicked Game", "Daughters" as "Blurred Lines").