જુલાઇ ૨૯

૨૦ જુલાઇનો દિવસ ગ્રેગોરીયન પંચાંગ મુજબ વર્ષનો ૨૧૦મો (લિપ વર્ષ દરમ્યાન ૨૧૧મો) દિવસ છે. આ દિવસ પછી વર્ષ પુરું થવામાં ૧૫૫ દિવસ બાકી રહે છે.

મહત્વની ઘટનાઓ

• ૧૯૨૧ – એડોલ્ફ હિટલર જર્મન કામદારોના રાષ્ટ્રીય સમાજવાદી પક્ષના નેતા બન્યા.
• ૧૯૪૮ – ઓલિમ્પિક રમતો: XIV ઓલિમ્પિયાડ રમતોત્સવ: બીજા વિશ્વયુદ્ધને કારણે ૧૨ વર્ષના વિરામ બાદ (બર્લિનમાં ૧૯૩૬ના ગ્રીષ્મ ઓલિમ્પિક્સ પછી) યોજાનાર પ્રથમ ગ્રીષ્મ ઓલિમ્પિક્સ લંડનમાં શરૂ થયો.
• ૧૯૫૭ – આંતરરાષ્ટ્રીય પરમાણુ ઊર્જા સંસ્થાની સ્થાપના કરવામાં આવી.
• ૧૯૮૦ – ઇસ્લામિક ક્રાંતિ પછી ઇરાને એક નવો પવિત્ર ધ્વજ અપનાવ્યો.
• ૧૯૮૭ – બ્રિટિશ વડા પ્રધાન માર્ગારેટ થેચર અને ફ્રાન્સના પ્રમુખ ફ્રેનોઇસ મિત્તરેન્ડે ઇંગ્લિશ ચેનલ હેઠળ ટનલ (યુરોટનલ) બનાવવાના કરાર પર હસ્તાક્ષર કર્યા.
• ૧૯૮૭ – ભારતના વડા પ્રધાન રાજીવ ગાંધી અને શ્રીલંકાના રાષ્ટ્રપતિ જે. આર. જયવર્દનેએ વંશીય મુદ્દાઓ પર ભારત-શ્રીલંકા સમજૂતી પર હસ્તાક્ષર કર્યા.
• ૨૦૦૫ – ખગોળશાસ્ત્રીઓએ, લઘુગ્રહ એરિસની શોધની જાહેરાત કરી.

જન્મ

• ૧૮૪૧ – ગેર્હાર્ડ હેનરિક હેન્સન, (Gerhard Armauer Hansen) નોર્વેના ચિકિત્સક, રક્તપિત્તના કારકના શોધકર્તા (અ. ૧૯૧૨)
• ૧૯૦૪ – જે.આર.ડી.તાતા, ભારતીય ઉદ્યોગપતિ (અ. ૧૯૯૩)
• ૧૯૪૯ – આરીફ અલ્વી, પાકિસ્તાની રાજકારણી
• ૧૯૫૯ – સંજય દત્ત, ભારતીય અભિનેતા

અવસાન

• ૧૮૫૭ – ચાર્લ્સ લુસિઅન બોનાપાર્ટ, ફ્રેન્ચ પ્રકૃતિશાસ્ત્રજ્ઞ અને પક્ષીવિદ્યા નિષ્ણાત (જ. ૧૮૦૩)
• ૧૮૯૧ – ઈશ્વરચંદ્ર વિદ્યાસાગર, ભારતીય શિક્ષણવિદ્ અને સમાજ સુધારક (જ. ૧૮૨૦)
• ૧૯૯૬ – અરુણા આસફ અલી, ભારતીય સ્વાતંત્ર્યસેનાની, રાજકીય કાર્યકર્તા, શિક્ષણશાસ્ત્રી અને પ્રકાશક (જ. ૧૯૦૯)
• ૨૦૦૯ – ગાયત્રીદેવી, જયપુરના ભુતપૂર્વ મહારાણી (જ. ૧૯૧૯)
• ૨૦૧૬ – મધુસૂદન ઢાંકી, ગુજરાતના સ્થાપત્યવિદ્ અને કળા ઇતિહાસકાર (જ. ૧૯૨૭)

તહેવારો અને ઉજવણીઓ

• આંતરાષ્ટ્રીય વાઘ દિવસ (International Tiger Day)
• મોહન બાગાન દિવસ, (Mohun Bagan Day)

બાહ્ય કડીઓ

• બી.બી.સી.(BBC): આજનો દિવસ

---