ઔરંગઝેબ

ઔરંગઝેબ (૧૬૧૮-૧૭૦૭) ભારતનો એક મુઘલ શાસક હતો. તે આખરી શક્તિશાળી મુઘલ શાસક હતો. તેના શાસનનો અધિકાંશ સમય દક્ષિણ તથા અન્ય સ્થાનો પર વિદ્રોહને કચડવાના કાર્યમાં વીત્યો હતો.

ઔરંગઝેબ
Aurangzeb, in "The Rulers of the Mughal Dynasty from Babur to Awrangzeb, with their Ancestor Timur", MSS 874, India, circa 1707–12. Khalili Collection
જન્મ	૩ નવેમ્બર ૧૬૧૮  દાહોદ
મૃત્યુ	૩ માર્ચ ૧૭૦૭  અહમદનગર
અંતિમ સ્થાન	Tomb of Aurangzeb
જીવન સાથી	Udaipuri Mahal
બાળકો	Mehr-un-Nissa
પદની વિગત	Mughal emperor (૧૬૫૮–૧૭૦૭)

ઔરંગઝેબ

ઔરંગઝેબનું જીવન વિવાદાસ્પદ રહ્યું હતું, જેમાં જજિયા વેરો, શરિયત (ઇસ્લામી કાનૂન) નિતીઓ, હિંદુ મંદિરોનો વિનાશ, તેના ભાઇ દારા સિકોહ, મરાઠા રાજા સાંભાજી^[૧][૨] અને શિખોના નવમા ગુરુ તેગ બહાદુરની હત્યાઓનો સમાવેશ થાય છે.^[૩][૪] ઇસ્લામી કાનૂન અનુસાર તેણે સંગીત, જુગાર, વ્યભિચાર, દારૂ અને નશીલા પદાર્થોના સેવન પર પ્રતિબંધ મૂક્યો હતો.^[૫][૬] વિવિધ ઇતિહાસકારોના મત અનુસાર, તેની મંદિર તોડવાની પ્રવૃત્તિઓની સાથે^[૭] તેણે મંદિરોનું બાંધકામ,^[૮] અને સમારકામ^[૯] પણ કરાવ્યું હતું.^[૧૦]