![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/39/Puri.jpg/640px-Puri.jpg&w=640&q=50)
પુરી (વાનગી)
From Wikipedia, the free encyclopedia
પુરી, એ ભારત, પાકિસ્તાન અને બાંગ્લાદેશમાં ભોજન અને નાસ્તામાં વપરાતી, તળેલી વાનગી છે. ગુજરાતી વાનગીઓમાં પણ પુરી પોતાનું આગવું સ્થાન ધરાવે છે, આ વાનગી સવારનાં નાસ્તાથી લઇ અને ખાસ પ્રસંગોએ યોજાતા ભોજન સમારોહમાં શાક અને મિઠાઇઓ સાથે જમવાની મુખ્ય વાનગીનું સ્થાન ભોગવે છે.
![Thumb image](http://upload.wikimedia.org/wikipedia/commons/thumb/3/39/Puri.jpg/640px-Puri.jpg)
જ્યોર્જીયન ભાષામાં બ્રેડને 'પુરી' કહેવામાં આવે છે. પશ્ચિમ બંગાળ અને ઓરિસ્સામાં તેને "લુચી" કહેવામાં આવે છે.
પુરી અનેક પ્રકારનું વૈવિધ્ય ધરાવતી હોય શકે છે. જેમકે "મોળી પુરી", "તીખી પુરી", "મસાલા પુરી", "ગળી પુરી" (જેને સૌરાષ્ટ્રમાં 'થેપલા' પણ કહેવાય છે, અને જન્માષ્ટમીનાં તહેવારોમાં ખાસ તે બનાવવાનો રિવાજ છે) અને ઘણા ધાર્મિક સ્થાનોમાં પ્રસાદ તરીકે પણ પુરી આપવામાં આવે છે. પરંતુ તમામ પ્રકારની પુરી બનાવવાની રીત, તેમાં પડતા મસાલાઓ સીવાય, મોટેભાગે સરખીજ હોય છે.
પુરીને દૂધપાક, બાસુંદી, 'છોલે'(કાબુલી ચણાનું શાક), 'ચણા મસાલા', 'કોરમા' જેવી વિવિધ વાનગીઓ સાથે ખાઇ શકાય છે. તે ઉપરાંત પાણીપુરી જેવા નાસ્તાઓમાં પણ તેનો ઉપયોગ થાય છે.