From Wikipedia, the free encyclopedia
Parque Municipal Monday tenda iporãitereíva, Ytororõ Monday, oĩ Distrito Presidente Franco-pe, Alto Paraná, Paraguáipe, oñemohendáva 25°33´40,6´´ijyvatékue; 54°38´00,1´´pukukue, ha ipe 9 hectárea rupi.
Oñeñandu ára pytu media anual 21 ºC; ijyvatevéva oguahẽ 38 ºC ha mbovyvéva 0 ºC. Ojekuaa ama ho’avéha Alto Paranáme. Araro’y jave katuete ysapy, arai ha tatatĩna umi tapére ojekuaa.
Parque Municipal Monday, oreko peteĩ reserva natural orekóva prorundy hectárea henyhẽva upe tekoha ka’avo ha mymba opaichaguáva, katuete niko ojehecháva región boscosa Alto Parana tujápe ha upe bloque Este orekóva ka’aguy ipaaháva ohóvo ojeheróva Bosque Atlántico Alto Paranáme.
Río Monday ho’a Río Paranáme, osyrýva ha oñembohapéva arajere ojeguerekóva rehe péva ama ho’áva rehe umi árape, añetehápe salto yvate gotyo, umi ipy’aguasuvéva ha’e pe ojahúva upe ysyry ro’y’sãme, hetaiterei caída ha chorro michĩvéva ho’áva ipype ojeporu hidromasaje natural ramo. Oĩva’erã oñeñangarekova’erã opaichavévo canotaje opracticava.
Ko’ẽmbotávo térã ka’arupytũvo, ysyry oñehendú hyapúhaa ho’ávo umi hũ basáltica ári oñehendúva mombyry guive, péicha avei upe tatat{ina omopu’ãva ysyry guasu ho’áva ha ojoguaite otĩmbóva yguasúgui ho’ávo y upe ita ári.
Tavapy Presidente Franco, oreko tekoha ome’ẽva koyvýpe peteĩ mba’e ndaijojaháiva ysyry ho’ávo ñande resápe guarã, imbarete Salto Monday, ombyatýva tekoha ijerére omomorãva ha oguerúva hendive hembiasa, péva ha’eva’ekue peteĩ estación kova guarani rape prehispánico.
Ko’ã Salto, orekóva 40 metro ijyvatékue, oiméva mbohapy kaída pypuku oñ{emomba’e guasuvéva umi michĩvévagui omohendáva ho’ávo Río Monday ñe’ãme, péva peteĩ jyva akatua Río Paranágui osẽva. Mba’e iporãitereíva ha hyjúipe oreko sa’y isa’yjúva ha upe y pupu ho’áva umi ita ári ombosa’ýve pokõi sa’ýpe ha péva Río Monday je’ápe, ikatu ojehecha peteĩ sistema de miradoreshay pasarelas rupive, péva peteĩ parque natural oĩha ñangareko hese ha ohóva guive ijurujái opytávo tekoha porãre.
Ko pa’u tekoha rovy’ũme oguahẽ umi turista ojapo picnic, oguata ha avei kampamento, umi tape oiméva yvyramáta ha ka’avo mbytépe ogueraháva umi mbohupápe mirador ha pasarela peve, upégui ikatu ojesareko haa omaña y ho’áva ha oguejýva 40 metro ysyry guasúgui.
Umi oguerohorýva ha orekóva aventura, umi paredon rocoso oipytyvõva práctica de rapel ha alpinismo ysyry ho’áva ykére, jeguata umi tape po’íre oikytĩva párke ha oguahẽva ysyry guasu rembe’ype. Kóva ha’e peteĩ atracción kakuaa oimégui Parque Municipal Saltos del Río Monday, ryepýve oikuave’ẽva tenda camping ha hi’upyrã upe korapýpe ha péicha ojepytu’u ha ojehasa porã.
Oñeguahẽ parque-pe, supercarretera ojoajúva Saltos del Guaira távapy Presidente Franco guive. Oñeguahẽvo viaducto km 4 péva Ciudad del Este-pe ojeho yvy gotyo jey. Péva 10 km yvy gotyo akatá gotyo, upépe ojehecha peteĩ kártel ohechaukáva tape ojeikéha salto-pe.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
