From Wikipedia, the free encyclopedia
Tetãnguéra Joaju (karaiñe'ẽme: Organización de las Naciones Unidas - ONU) ha'e atyvusu tuichavéva opa tetãnguéra pegua. Oheka toiko tekombo'e porã, py'aguapy rekoha kyhyje'ỹ reko yvy ape ári. Oñepyrũ va'ekue ára 24 jasypa ary 1945-pe, táva San Francisco, Estados Unidos-pe.
Ko'ãga oguereko 193 tetã oikóva ipype, ha ijatyharóga oĩ táva Nueva York. Tetãnguéra Joaju ñe'ẽnguéra ha'e áraveñe'ẽ, chinañe'ẽ, karaiñe'ẽ, hyãsiañe'ẽ, inglyesñe'ẽ ha rrusiañe'ẽ.
Tetãita Joaju Atyvusu niko oñemoheñóikuri ára 24 jasypa ary 1945-pe opa riremi Yvóra Ñorãirõ Mokõiha. 51 tetã omoheñõikuri ko joaju ohekávo hikuái py'aguapy ha angave'ỹ yvórape, omombaretévo tekoayhu ha tekohakuéra ñemotenonde, upéicha avei omba'apóvo tekoporãve rekávo ha ava tekopygua ñeñangarekóre. Ko'ag̃aitérõ oĩ 193 tetã ipype.
Tetãita Joaju Atyvusu omboaje hemimo'ã ha hembiaporã peteĩ Amandaje Guasu rupi oĩháme mayma tetã ipypegua. Oguereko peteĩ Pytyvõhára Guasu Amandaje Guasu oiporavóva ha oguerekojeýva ipoguýpe 40.000 mba'apohára rasami ko yvóra tuichakue javeve. Tetãita Joaju Atyvusuoguereko hóga Táva Nueva York, Estados Unidos de Amérika retãme. Tetãita Joaju réra niko omoheñoiva'ekue Norteamérica retã ruvicha Franklin D. Roosevelt ha ojepuru'ypýkuri ára 1 jasyteĩ ary 1942-pe, Yvóra Ñorãirõ Mokõiha aja, 26 tetã omboajérõguare “Tetãita Joaju Kuatia” he'ihaguépe ha'ekuéra, joajúpe, oñorãirõvetaha Alemania, Italia ha Japón ndive.
Tetãita Joaju rembiapo og̃uahẽ opaite tenda ko yvoraguápe. Jepémo ojekuaave py'aguapy ñangarekóre, py'aguapy mombaretevére, ñorãirõ ñemboguére ha oipytyvõre tapichakuérape hemikotevẽme.[1]