Ykuamandyju ha San Pedro tavusu Paraguaigua, San Pedro, San Pedro Departamento tavaguasu, opytáva 330 km tavusu Paraguaýgui.
| Ykuamandyju San Pedro | ||
|---|---|---|
| Tetã |  Paraguái | |
| Tetãvore | San Pedro | |
| Távayguakuéra | 29.097 ava | |
| Ape távagui | 3185 km² | |
| ISO | ||
| Yvatekue | 64 m | |
| Koordinasion | ||
Ñepyrũrãite herava’ekue “Villa de San Pedro Apóstol de Ykuamandyju”, Villa de San Pedro “yvy oñepyrũva mandyjutýpe”, oñembohasávo ambue ñe’ẽme guaranimegua ñe’ẽnguéra “ykua” ha“mandyju”, oĩ rupi va’ekue peteĩ mandyjumáta peteĩ ykua rembe’ýpe.
Pe téra omoĩva’ekue chupe Karai Pedro García Lacoizqueta, Pedro Melo de Portugal ojokuaiva’ekue chupe omoñepyrũ hag̃ua peteĩ villa, tenda ko’ág̃a oĩhápe pe táva.
Ko távape oñeg̃uahẽ Ruta III “Elizardo Aquino” ha XI “Juana de Lara” rupi, opyta 25 kilómetro Ysyry Paraguáigui.
Upéichate avei opyta 15 km distrito Antequera-gui ha 3 kilómetro ysyry Jejuígui.
Ararova
Ko táva yvy he’õporã ha okymeme pépe, he’õngue 70 ha 80% rupi. Hakukue 23 °C rupi; arahaku’aja ohupyty 35 °C ha oguejyvéramo ohupyty 10 °C.
Demografía
San Pedro-pe oiko 29.097 tapicha, umíva apytépe 15.043 kumba’e ha 14.054 kuña.
Pe tavaitépe oiko 7.927 tapicha ha okaháre katu 21.170.
1525-pe ypykuéra ojuka karai Portugal-gua Alejo García-pe, ha’eva’ekue peteĩha tapicha Europa-gua oipykuiva’ekue Tapé Avirú.
Ko távape tuicha oñemba’apo mymba: Vaka, kavaju, ovecha ha kure ñemongakuaápe
Kokuepegua tembiapópe, ko distrito-pe oñeñeñotỹ ka’a, mandyju, soha, papa, alfalfa, limo, manduvi, mandi’o ha avatimirĩ. Industria rehe ñañe’ẽramo ñambohysyikuaa aserradero-kuéra ha avei ojejapoha petit grain ha aseite mbokajágui. .
Artesanía San Pedro-gua rehe ñañe’ẽramo katu ojekuaave tembiapo ao po’i ñembojegua rehegua ha avei tembiapo ñai’ũguigua.
San Pedro ha’e “Ñembohupa Tavaguasu”, umi tapicha oikóva upépe akóinte omochichĩre mbohupápe. Mba’e ojehechasevéva upépe ha’e umi óga yma guare, ogagusu guasu colonia aja oñemopu’ãva’ekue oĩva upe távape. thumb|right|300px|Antigua Iglesia de San Pedro
Tupão oñemopu’ãva’ekue franciscano ojapoháicha, ou yma Don Carlos Antonio López omanda aja guivéma. Retablo ha ta’angakuéra orekóva ndaijojahái Paraguáipe g̃uarã. Avei ojehechakuaa ta’anga neporãva museo karai Francisco Resquin mba’évape.
Casa de la Cultura ha’e ambue tenda tuicha mba’éva artista-kuéra ohechaukahápe hembiapo, upéichante avei oñembo’ehápe purahéi, ñe’ẽpoty’apo ha mboraka ñembopu.
Yvyku’i ysyry Jejui rembe’ýpe oikuave’ẽ tenda porã ojepytu’u hag̃ua, ha ikatuhápe avei ojeiko ygápe.
Geografía Ilustrada del Paraguay, Distribuidora Arami SRL; 2007. ISBN 99925-68-04-6
Geografía del Paraguay, Primera Edición 1999, Editorial Hispana Paraguay SRL,
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
