Saite'o
yvypóra omoambuévo ka'avo ha mymba oiporu hag̃ua / From Wikipedia, the free encyclopedia
Saite'o ha'e yvypóra omoambuévo mymba térã ka'avo saite reko oiporu hag̃ua ichupekuéra, upe hetaite ára jave oiko va'erã ha ndaha'éi opaite mymba térã ka'avo ikatúva ojehesaite'o.
![Thumb image](http://upload.wikimedia.org/wikipedia/commons/thumb/a/a3/Pyrenean_Mountain_Dog_600.jpg/320px-Pyrenean_Mountain_Dog_600.jpg)
Yvypóra omono'õ mymba saite ha ka'avo ka'aguy ha oñongatu ichupekuéra omongakuaávo ha oñangarekóvo hesekuéra, ohasávo ára ikatu oñemoambue mymba ha ka'avokuéra. Umi mymba ha ka'avokuéra odepende umi yvypóra oñongatúvare, ha oñemoambue toiko ichuguikuéra iporãvéva yvypóra oipuru hag̃ua. Ko ñemoambue oiko yvypóra oiporavóvo mba'e mymbápa omoheñóita umi mymbara'y oúva, upéicha oiporavo mba'épa ojehasáta umi mymba pyahúvape.
Saite'o peteĩha ka'avo rehegua oiko yvypóra oiporura'ẽ jave ñemitỹ. Mymbakuéra apytépe katu, yvypóra omongakuaaraẽ jagua, heta ára rire, mbeguekatuhápe, omongakuaa ovecha ha kavara, ha upéi vaka ha kure.
Ka'avokuéra ojesaite'ómava ha'e ñemitỹ ha koga'a opaichagua térã ka'avo jaiporúva ñambojegua hag̃ua ñande róga. Mymbakuéra katy, yvypóra oiporu hembi'urã, omomba'apo hag̃ua ichupekuéra térã ojapo hag̃ua ijaorã ichugui, avei ikatu oñeñongatu hógape imymba'i ramo.