Rafael Franco
From Wikipedia, the free encyclopedia
From Wikipedia, the free encyclopedia
Rafael Franco mburuvicha Paraguáipe oisãmbyhyva'ekue 17 jasykõi 1936 guive 13 jasypoapy 1937 peve.
Período de gobierno - República del Paraguay: | 17 jasykõi ary 1936 13 jasypoapy ary 1937 |
---|---|
Mboyvégua: | Eusebio Ayala |
Hekovia: | Félix Paiva |
Ára reñói: | 22 jasypa ary 1896 |
Tenda reñóiha: | Paraguay |
Ára mano: | 16 jasyporundy ary 1973 |
Tenda omanóha: | Paraguay |
Partido político: | Partido Revolucionario Febrerista |
O'arahecha Asunción 22 jasypa 1896 óga opytáva Chile ha Haedo (tavaguasúpe). Ha'e don Federico Franco ra'y ha doña Marcelina Ojeda memby. Itúva ombo'eva'ekue matemática Escuela de Agronomía, omopyendáva Moisés de Santiago Bertoni (oĩhápe Jardín Botánico ary 1940 ohasáva San Lorenzo-pe). Omendava'ekue Deidamia Solalinde ndive. Oñemoarandu mbo'ehaópe ha ohasa ary 1915 Colegio Militar-pe. Oñeme'ẽ ichupe, rango teniente segundo, Encarnación-pe, Departamento Itapúa tavaguasu coronel Pedro Mendoza poguýpe oiméva. Péicha 9 jasypópe ary 1921 jave, Franco ohasa teniente primero Infantería-pe, 13 jasypoapýpe ojeporavo comandante Grupo de Ametralladoras, oguapýva Paraguaýpe.
Oïva'ekue comandante Regimiento de Infantería Nro. 5 General Eduvigis Díaz, oiméva Bahía Negra-pe. Péicha 13 jasypoapýpe 1924 jave ojupi capitán ramo, 10 jasykõi 1926 jave ojeporavóva comandante compañía de cadete Colegio Militar-pe. Ha'e oficial ikatupyryvéva upérõ ojeporavo omotenonde haguã tembiapo oñemomba'eguasúva, formación ombotuicháva umi cuadro oficial térã tropa. Jasypateĩ 1926 ohenói comandante Regimiento de Infantería Nro. 2, oiméva Villa Hayes-pe.
Péicha, carrera oipyhýva Franco pya'eterei ojupi, oguahẽvo Chaco Paraguayo peve, oiméva escenario orekóva victoria kakuaa. Péicha oime sitio pévape, agosto 1928, Franco ojehupi comandante Escuela de Aviación Militar-pe; upéi ohasa a mayor ha upe riremínte, oipyhy Regimiento de Infantería Nro. 5 General Díaz, oiméva Bahía Negra-pe. Ikarẽ oguatávo péva oñeaccidenta agüere omohu'ã potaitévo tekombo'e Colegio Militar-pe, upérõ ho'a kavajúgui Cabildo guýre. Tropa oiméva hendive kunu'ũme ohenói "León karẽ".
Coronel rekove ipohýi, oñemosẽ riremínte poder-gui. Ohasa asy ha oguahẽ hekovépe ñesẽ tetãgui, ha heta ára jey ohasa apañuãi opáichaguáva.. Jepénte pèva, Franco ojekuaa italento militar ha teko joheipyre omotenondévagui. Rafael Franco ohasa 20 ary tetã mombyry. Oguahẽvo Paraguáipe, omboguata tembiapo orekóva, ojazo hikuái havõ oikuave'ẽva negocio rupive, ha'e avei corredor inmobiliario.
Oñepyrũ hasy ha ohupytývo 70 ary, ou opytávo omano meve yvy ohahuetéva hetã Paraguái. Ko'ã arýpe peteĩ koty'ípe oiko, iñepyrũrãme garaje ramo oreko, péva tape 14 de Mayo ha Herrera ári. Upe guive oguata peteĩ café peve oĩva avenida 25 de mayo ári. Ko'ápe oñembyaty oñirünguéra ha ikamarada ndive hendive oñomongeta política ha tema militar ha social rehe.
Jasyporundy 1973 jave, oike Sanatorio Americano-pe hasyetégui, upépe omano. Ko'ã arýpe ñembyasy oguahẽ hekovépe, oho ohecha ichupe hi'angirũ coronel Arturo Bray, hendive 30 ary oikova'ejkue ñeko'õme. Coronel Rafael Franco omano 16 jasyporundy 1973 ha pe korona yvotýgui ojejapóva iporã ha tuichavéva omoguahẽ Arturo Bray. Péicha korona oguerahñava listón jehai mbykymíme, péva hendaitépe oime oñemomba'eguasúva ha'égui tendota vale Guerra del Chaco-pe, ojekuaáva hekove johéipyre ha imarangatúgui. Ojehai ha oñemoñe'ẽ yvotýre: "Peteĩ patriota kakuaápe".
Ha'eva'ekue presidente provisional República ary 17 jasykõi 1936 jave ha 13 jasypoapy peve 1937. Oho tetãgui cuestión política rehe, iñirũnguéra ogueraha conspiración oitýva ichupe gobierno choguy omotnenondéva Eusebio Ayala ha omohendáva Franco poder-pe. Igobierno oderoga dekreto omoañetéva léi mariscal Francisco Solano López, hetekue ojegueru ha oñemoĩ Panteón Nacional de los Héroes-pe, ha edificación omohu'ãva igobierno. Omoheñói umi ministerio ha'éva (Agricultura, Salud Pública); omopyendáva Banco de la República (ex oficina de cambios); odictáva léi reforma agraria; omoĩva 8 aravo oñemba'apova'erã ha omohu'ã Oratorio de la Virgen de la Asunción, odestináva Panteón de los Héroes ramo. Ojerrepatria prisionero de guerra ramo; omotenonde Congreso Eucarístico Nacional; péicha oderoga Constitución 1870; omopyendáva partido político ( Unión Nacional Revolucionaria) ha oikuave'ẽva umi elemento bélico. Franco omoheñói mokõi "universidad popular" péva Asunción ha Villarrica, ohasáva mbovymi. Jasypo 1936 jave omoheñói Confederación Nacional de Trabajadores.
Apytu'ũ roky:
Okúi 13 jasypoapy 1937 jave, oikuaa exilio ha ijerére omopyenda movimiento político socialista.
Ha'e tendota Partido Revolucionario Febrerista. Omotenondéva carrera militar, jepénte oreko umi política ovaléva oñemboykévo carrera, pero oñepyrüvo ñeko'õ Bolivia ndive, oike jey ejército-pe. Omotenonde carrera guarini ramo ha ikatupyryeterei, oike Comandancia del II Cuerpo de Ejército ha omopu'ã Ejército en Campaña guerra chaqueña ñemohu'ã Pikuíva, Yrendague ha oipyhy Karandayty, Charagua ha Ingavi.
Omotenonde Escuela Militar ha héra orekóva política emblemática posguerra. Péicha Guerra del Chaco, omotenonde división III Cuerpo de Ejército orekóva actuación batalla Campo Vía. Omohu'ãvo guerra, Franco oime Desfile de la Victoria oñemotenondéma comandante II Cuerpo de Ejército, ko'ápe tavayguakuéra oguerohory tape pukukue.
Tenondegua: Eusebio Ayala |
Presidente de Paraguay Rafael Franco 1936-1937 |
Riregua: Félix Paiva |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.