From Wikipedia, the free encyclopedia
Olimpia niko peteĩ tetãygua aty térã mba’era’ãita atyha Paraguay retãmegua, ojehaitypóva táva Paraguaýpe. Upépe oñemyasãi opaichagua mba’era’ã ha umi herakuãvéva apytépe oĩ vakapipopora'ã (mangapyra’ã) ha mangakuarara'ã, ág̃a katu pe peteĩháva niko pe ojehecharamovéva.
Heta mitãrusu Paraguay retãmegua omoheñoiva’ekue ko atyha ára 25 jasypokõi ary 1902-pe ha héra ou chupe imoheñoihára ruvichágui, William Paats, Holanda-ygua oikóva Paraguay retãme S. XIX paha guive ha hese oje’éva ha’eha vakapipopora’ã ru ñane retãme ha’égui avei pe omoinge ha omoherakuãva pe mba’era’ã ñane retãme.
Decano térã Rey de Copas ojekuaaháicha chupe tetãpýre niko pe hetave jopói ohupytyva’ekue vakapipopora’ãme Paraguay retãme, péicha -ary 2012 peve- oñemomba’e 39 jey tenda peteĩháre ha ohupyty avei peteĩ mba’e avave ohupyty’ỹva ko’ag̃aite peve oñemomba’évo poteĩ jey, ojoapykueriete, tenda peteĩháre, ary 1978 guive ary 1983 peve, ha upéva ojapo chugui poteĩjeyha tenondegua, ha’eñomíva, Guarani vakapipopora’ãme.
FIFA omohenda Olimpia-pe umi atyha herakuãvéva apytépe ko Yvórape, ohupytýva poapy tetãita jopói teetéva -ha’eño Paraguay retãme - umíva apytépe ojehecharamovéva: mbohapy Amérika Mosãsohára Kópa ha peteĩ Yvorapegua Kópa.
Ary 1979-pe, ohupytýkuri peteĩ mba’e ág̃a peve mbovymi atyhánte ohupytýva ko yvórape, oñemomba’epaitévo maymave jopóire ikatúva ojehupyty peteĩ arýpe, ha’éva irundy kópa. Upérõ oñemomba’ékuri Paraguaygua Kópa, Amérika Mosãsohára Kópa, Amerikaita Kópa ha Yvorapegua Kópare. Upéicha avei, ary 2013 peve Olimpia ohupytýkuri irundy Tendakõi Amérika Mosãsohára Kópape.
Mokõi atyhánte ko yvórape, Olimpia ha’e peteĩva, oñemomba’ékuri peteĩ jopóire tekotevẽ’ỹre upevarã oha’ã, upéva ojehúkuri oñemotenondérõguare mokõi ñeha’ãru’ãme suramérikape, ary 1990-pe, ha’éva: Amérika Mosãsohára Kópa ha Suramérika Koparuvicha, umíva rupi -ndaipórigui ombohovaiva’erã chupe- oñeme’ẽntema Olimpia-pe Suramérika Kopajo’a.
Ohupytývo Amérika Mosãsohára Kópa 2002-pe ha Suramérika Kopajo’a 2003-pe, Olimpia oikékuri po atyha apytépe ko yvy ape arigua ohupytyva’ekue peteĩ tetãita jopói ombotykuévo sa ary heñoihague. Opa umi mba’ére Olimpia-pe oñemohendákuri poha tendápe Amérikape umi atyha héra verapýva apytépe S. XX-pe ha upéicha avei oñemohenda papoha tendápe ko yvórape umi atyha hetave kópare oñemomba’eva’ekue.
Olimpia vakapipopo atyha oguereko mangapyrenda hérava Manuel Ferreira, imba’eteéva, avei ojekuaáva Para Uno Ka’aguy ramo ha avei oha’ãjepi Mangapyrenda Cháko Pysyrõhárape, ha’éva APF mba’e. Umi oha’ãva mangakuarara’ã ha ambue mba’era’ã oipurújepi mba’era’ãróga, oĩva Olimpia róga tepe jeikoha Mariscal López-pe ha ogueraháva karai Osvaldo Domínguez Dibb réra, ha’eva’ekue Olimpia atyha motenondehára.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.