From Wikipedia, the free encyclopedia
Gísa Pirámide Guasu ha'e Ehíto pirámide tuichavéva ha oiko va'ekue faraõ Húfu retekue oñemoĩhague ramo, oisãmbyhy Ehíto rehe Ñemoñanga Irundyha javeve upe Tavetã Tujápe (amo ary 2589 a. C. guive 2566 a. C. peve). Oñemopu'ã va'ekue amo ary 2600 a. C. rupi, 27 ary pukukuévo, ko pirámide ha'e upe tujavéva umi pokõi tembiechapyrã yvóra ymaguare pegua apytépe ha peteĩetéva añoite ko ára peve ikatu jahecha. Oĩ hesa'ỹijohára he'íva ha'ehague karai arandu Hemiunu ko pirámide jogapokuaahára, jepémo ndaikatúi ñamoañete upéva.[1]
| Menfis ha ityvyty - Piramidekuéra rendaha Gísa guive Dahshur peve | ||
|---|---|---|
  Yvypóra reko rembiejakue | ||
 Gísa Pirámide Guasu 2005 jave | ||
| Tetã |
 Ehíto | |
| Datos generales | ||
| Mba'eichagua | Arandupy | |
| Criterios | i, iii, vi | |
| Identificación | 86 | |
| Tenda | Tetãnguéra árave | |
| Inscripción | 1979 (III sesión) | |
| [editar datos en Wikidata] | ||
Ojejapopávo, ijyvatekue ohupyty 146,7 metro ha opyta mba'e yvatevéva yvypóra ojapo va'ekue 3 800 ary pukukuévo.[2] Ára ohasávo, ho'a ita morotĩ sỹi ojaho'íva ko pirámide ha upévare ko'ágã ohupytýnte 138,8 metro. Hopyta ojapo peteĩ irundykejoja ijyke ohupytýva 230,3 metro. Hyepýpe ojejuhu mbohapy koty, peteĩ iguýpe ndojejapopáiva ha mokõi ijapytépe oñemoĩhague mburuvichavete ha hembireko retekue.
Ary 1979-pe Unesco ohechakuaa ko pirámide ha hendaha ojejuhuhápe, ha'éva Gísa tyvytyguasu, peteĩ tekopy tee yvypóra reko pegua ramo.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
