From Wikipedia, the free encyclopedia
Amérika Ára niko peteĩ arete ojeromandu’áva ñavõ ary opaite Amérika retãnguérape, og̃uahẽvo ára 14 jasyrundy, oñemomba’eguasu hag̃ua sãso ha joaju mbarete oĩva maymaite tetã apytépe. Ñavõ ary, tetãnguéra ruvicha térã amandaje -kuatiapyre rupive- ogueroayvu Amérika retãita ára ha arapokõindy. Ko jehecharamo oiko Amérika tavavusu, táva ha tekohakuéra rupi.
.svg)
Ary 1931-pe oñemboaje’ypýkuri pe Amérika Ára ko yvypehẽ tuichakue javeve ha ojeporavókuri hi’áraramo pe 14 jasyrundy, ary 1890-pe oñemoheñoihaguére Amérika Retãnguéra Aty ha hogatee renda, hérava Amérika Retãnguéra Ñemuha Ógarenda, heñoihaguégui Amérikakuéra Aty ha ipahápe kóvagui oiko Amérika Retãnguéra Atykatu, ojekuaavéva OEA-ramo.
El Salvador, Honduras, Guatemala ha Haiti ojapókuri 14 jasyrundýgui vy’aguasu ára. Ko’ã irundy tetã ha ambuévape, oĩva hikuái Amerikakuéra Atýpe, ojejapómi aty ikatéva, tetãygua vy’a, aty mandu’arã mbo’ehaópe ha oñemyasãi opaichagua temiandu omomorãva Amérikakuéra reko joaju.
Umi temiandu apytépe oĩ peteĩ omombaretéva Amerikakuéra Aty reko joaju, ha he’i Amérika Retãnguéra ikatuha “omombareteve -ára ha ára- py’aguapy ha jekupyty ojoapytépe, avei ikatuha omombareteve joaju heñóiva ijapytepekuéra ojoajúgui hikuái oñopehẽnguéicha ko yvypehẽme ha oúgui peteĩ tembiasakue añógui. Amérika tetãnguéra akóinte imandu’ava’erã maymaitéva ojojaha hikuái hemikotevẽ ha hembipotápe ha oñondive ikatuha oku’e tenonde gotyo py'aguapy, tekojoja ha léi ñemboajépe.
Tekoayhu purahéi, tekoha hekokatuvagua
Joajúpe tapiaite ñanemoingovétava
Ñane rekosã’ỹre, ñane ñe’ẽngatúre
Jaikova’erã teko marangatúpe
Py’aguapy rechaukaha ohesapéta tekove
Amérika yvypehẽ pukukuetépe
Py’ara’ã mbareterã, joyke’yreko mbareterã
Ojapóta tekoha hekokatuvagua purahéi añetete
Argentina, Brasil ha Bolivia,
Colombia, Chile ha Ecuador,
Uruguay, Paraguay, Venezuela,
Guatemala ha El Salvador,
Costa Rica, Haití ha Nicaragua,
Honduras ha Panamá,
Norteamérica, México ha Perú,
Cuba ha Canadá:
Joyke’y reko’año sãsombyre niko ha’e
Joyke’y reko’año sãsombyre niko ha’e
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
