From Wikipedia, the free encyclopedia
Alberdi táva Ñe'ẽmbuku-gua, opytáva 134 km Paraguaýgui, ha’éva táva omyakãva tetã Paraguái ysyry Paraguay rembe’ýpe, táva Formosa, Argentina-gua renondépe.
Alberdi Alberdi | ||
---|---|---|
Tetã | Paraguái | |
Tetãvore | Ñe'ẽmbuku | |
Távayguakuéra | 7.588 ava | |
Ape távagui | 1130 km² | |
ISO | 3166-2 | |
Yvatekue | 44 m | |
Koordinasion | Tembiecharã:Coor dm |
Kóicha oñembohéra oñemomba’eguasúvo upe karai haihára argentino Juan Bautista Alberdi, oñe’ẽporã va’ekue tetã Paraguái rérape upe ñorairõ Guerra contra la Triple Alianza-ramo.
Heta haguére ko’árupi estero, ha ysyrykuéra arapytu ko’árupi ho’ysã ha he’õ porã.
Hakukue ko’árupi 22 °C rupi; hakuve jave ohupyty 37 °C ha 40 °C jasykuéra arahakupegua. Ro’yvérõ katu oguejy 5 °C ha 2 °C.
Jasykuéra okyveha katu ha’e jasyteĩ, jasyapy, jasyrundy ha avei jasypa; umi sa’ive okyha katu ha’e jasypo ha avei jasypoapy.
Táva Alberdi-pe oikove 7.588 tapicha, ko’ãvagui 3.920 ha'e kuimba’e ha 3.698 ha'e kuña, he’iháicha Dirección General de Estadística, Encuestas y Censos.
Yvy ko’árupi ikarape ha ojojaguasu, ha opytahaguére ysyrykuéra rembe’ýpe heta jajuhu esterokuéra tuicháva. Jajuhu yvyty ijyvatéva.
Tapichakuéra ko’árupigua hetave jevy ohupytypa ichupekuéra y upe ysyry Paraguay osẽmba jave apégui oky heta rire, upévare oje’e ichupe “Heroica Venecia Paraguaya”, kóva rupi avei heta tapichakuéra ohopa ko tendágui.
Héra ymave guare ha’e Villa Franca Nueva, oñemo ambue va’ekue tendota ramo karai Emiliano González Navero, upe haihára katupyry Juan B. Alberdi rérape.
Umi estero Ypoa rehegua, oguereko heta hechapyrã porã. Ka’aguykuéra henyhẽ yvyra ha mymbakuéra porã. Karuguaha rupi heta guyrakuéra oñembovy’a.
Ko táva iporã ojeju haguã pira ñeguenohẽ ha avei oje’yta haguã mba’yrukuérape. Avei jajuhúta tendakuéra oñembosako’íva turismo rural-rã.
Opytahaguére ko táva opytáva upe provincia de Formosa rovái, avei ikatu jaju ñemuharã ko tendárupi.
Tapichakuéra omba’apoveha ha’e vakakuéra ñemuñáme; avei, ñemitỹ ha ñemuhakuéra jajuhu avei sa’iveramo jepe, yvy nome’ẽtereírigui umivarã.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.