![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/53/Jardin_du_Musee_Rodin_Paris_Le_Penseur_20050402_%252802%2529.jpg/640px-Jardin_du_Musee_Rodin_Paris_Le_Penseur_20050402_%252802%2529.jpg&w=640&q=50)
Akãngeta
ñane apytu'ũ rembiapo / From Wikipedia, the free encyclopedia
Akãngeta ha'e omba'apo hekopetévo ñane apytu'ũ, taha'e ha'éva ñaimo'ã reívo térã ñaimo'ãite jahekávo ñamopohã hag̃ua peteĩ apañuái.[1]
![Thumb image](http://upload.wikimedia.org/wikipedia/commons/thumb/5/53/Jardin_du_Musee_Rodin_Paris_Le_Penseur_20050402_%2802%29.jpg/640px-Jardin_du_Musee_Rodin_Paris_Le_Penseur_20050402_%2802%29.jpg)
Ñaimo'ã hekopetévo ikatu oiko ñane akãngetágui peteĩ jepy'amongeta, ha'éva jaipyguaráva ñane akãme, avei akãngeta rupi ikatu ñaikũmby peteĩ mba'e, ikatu ñamoheñói peteĩ temimo'ã térã apytu'ũroky ha ikatu jaiporavo mba'épa jajapóta. Ko'ãva oiko ñane akãme ndaipóriramo jepe mba'e jahecháva, ñahendúva térã japokóva. Ñaimo'ã reívo katu ha'e mba'e oikóva ñane apytu'ũme jaipota'ỹre térã jaikuaa'ỹre, avei opamba'e oikoreíva ñane akãme.[2][3]
Tembikuaaty he'i oĩha akãngeta opaichagua. Techapyrã, peteĩ "mba'embojovake" ha'e ñamba'embojojávo ñane akãme jaikuaasévo mba'épa añete ha japo. "Jepy'amongeta" ha'e jaiporu hekopetévo ñane apytu'ũ jaipyguarávo térã ñahesa'ỹijóvo peteĩ apañuái. "Mba'ejeporavo" avei ñane akãngeta mba'e, kóva ko jaiporúva jaikuaasévo mba'épa jajapo, ñañemopy'a peteĩvo, ñamboykévo ñandéve guarã upe ñaimo'ãva iporãveha.[4][5] Mandu'a ha angapy'apo (imaginación) mba'e oikóva ñane akãme, ha'éva ñane apytu'ũ rembiapokue ha ojoaju avei ñane akãngeta rehe.[2]