![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f9/Spiders_Diversity.jpg/640px-Spiders_Diversity.jpg&w=640&q=50)
Ñandu
From Wikipedia, the free encyclopedia
Ñandu (karaiñe'ẽme: Araña) niko opa umi tymbachu'i 8 ipýva ha ipy apytimbýva. Jajuhu oparupi, ha opaichagua tekohápe.
![]() | ||
Tekovekuaaty ñemohenda | ||
Tavetã: | Animalia | |
Pehẽ'a: | Arthropoda | |
Pehẽ'aguy: | Chelicerata | |
Jueheguasã: | Arachnida | |
Tekovety: |
Araneae Clerck, 1757 | |
[editar datos en Wikidata] |
Ñandu oĩ opaichagua. Oĩ michĩva, tuicháva, haguéva ha iperõva. Oĩ pytãva, hũva, sa’yju ha iparáva, ha oĩ avei umi ijapu’áva ha ipéva. Nda’opái ñandu ojehupapo. Oĩ umi henimbo omysãiva peteĩ yvyrágui ambuépe ha ojuasapa. Umíva ñuhã ha’ekuéra omoĩva tymbachu’i hamba’e ho’a hag̃ua pype. Ñandu osẽ pyhare ha oñandúvo oĩha opa’ãva henimbokuápe oho ho’u. Oĩ umi ojo’óva ikuararã yvýpe ha upéi omboty ijuru henimbópe, ha oñandúvo oĩha opa’ãva upépe, ojupi, oisu’u ha ogueraha ikuára ruguápe ho’u hag̃ua. Oĩ umi henimbo oipyaha apu’áva ha upéi oñemoĩ mbytépe térã umi ijyke rupi ha oha’árõ. Ipy omoĩ henimbóre oñandu hag̃ua oĩpa ho’áva iñuhãme. Oñandúvo henimbo oryrýi, upépe osẽ hekávo. Oĩ umi upepete ho’úva, ha oĩ umi ombyapu’áva henimbópe oñongatu hag̃ua ág̃a upéi ho’u hag̃ua.