گيلکي زوؤن
ايته جه کاسپي زوانان / From Wikipedia, the free encyclopedia
گيلٚکي (واگۊىه: /Giləki/) گه گئلکي ؤ گيليکي ني دؤخؤندن بۊنه، یته زوؤن ٚ نؤم هيسه گه گيلکؤن اۊن ٚ جي گب زنن. اي زوؤن هيندۊاۊرۊپایي زوانان ٚ شي هيسه یأ ايراني کلسا-خۊرخؤسي هال ٚ مئن قرار بیته دأره.[1] ألبت بأضي هامۊجشؤن اين-ه گۊنن گه گيلکي، کارتولي (نسا-قفقازي) زوؤنؤن ٚ اٚرأني مۊشترک ٚ جرگهشينأسي ٚ خؤصۊصيات ٚ دارا هيسه.[2][3][4] اي زوؤن ٚ گۊتنکسؤن ٚ تئداد-ه اتنؤلؤگ سال ٚ ۲۰۱۷ مئن ۴٬۳۸۰٬۰۰۰ نفر تخمين بزأ دأره.[5] گه ألبت مۊختلف ٚ سربسؤن ٚ مئن اي آمار جيرجؤر دأره. اي زوؤن ٚ جۊغرأفي شر-ه کاسپين ٚ دریا ٚ نسایي لک ٚ جي دا ألبؤرز ٚ ارتفاعات مؤعرفي گۊده شأنه. ولي اين ٚ طۊلي (جۊغرافي طۊل، خۊرتؤو-خۊرخؤس) محدۊده سر نظرات مۊتناقضه یأ ايختلافات نيأ. اي زوؤن هيچته کيشور ٚ مئن رسميتي ندأره. گيلکيئه معمۊلا عربي-گيلکي خط ٚ جي نويسنن.