As Palmas é unha provincia española das dúas que forman a comunidade autónoma das Illas Canarias, e está formada polas illas de Gran Canaria, Fuerteventura, Lanzarote e La Graciosa, así como por unha serie de cinco illotes: Alegranza, Montaña Clara, Lobos, Roque del Este e Roque del Oeste, que son as illas máis orientais do arquipélago, e que suman unha área de 4.066 km². Conta cunha poboación de 1.083.502 habitantes (2010), sendo a 13ª provincia española en número de habitantes e a primeira das Canarias.