O Parque Nacional de Kaziranga é un parque nacional que se atopa nos distritos de Golaghat e Nagaon do estado de Assam, na India. O parque, que alberga dous terzos da poboación mundial de rinoceronte da India, é Patrimonio da Humanidade dende 1985. Segundo o censo realizado en marzo de 2018, que foi realizado conxuntamente polo Departamento Forestal do Goberno de Assam e algunhas ONG recoñecidas de vida salvaxe, a poboación de rinocerontes no Parque Nacional de Kaziranga é de 2 413 exemplares. Conta con 1 641 rinocerontes adultos ; 387 subadultos ; e 385 crías.