O Levi's Stadium é un estadio situado na cidade de Santa Clara, California, aproximadamente a 64 km de San Francisco. Desde 2014 é o estadio local dos San Francisco 49ers da National Football League (NFL). Tras xogar desde 1973 en Candlestick Park, os 49ers decidiron construír un novo estadio, sendo a súa idea inicial mantelo en Candlestick Point. O proxecto, que incluía plans de mellora urbanística no barrio non puido ser levado a cabo ao fracasar as negociacións co concello. Así, decidiron trasladar o seu proxecto a Santa Clara, onde xa estaba a sede administrativa do equipo. Finalmente, o estadio foi inaugurado o 17 de xullo de 2014. O estadio conta con capacidade para albergar a 68.500 espectadores, ampliábeis até os 75.000.