O Estadio Johan Cruyff é un estadio de fútbol, situado en Sant Joan Despí, na provincia de Barcelona. É propiedade do FC Barcelona e atópase dentro da chamada Ciutat Esportiva Joan Gamper, o complexo deportivo situado a uns 7 km do Camp Nou e que está dedicado aos adestramentos e ao fútbol base do club. No estadio xogan os seus partidos como locais o Barça Atlètic, o equipo feminino, e o Xuvenil A. Leva o nome do lendario futbolista neerlandés Johan Cruyff, xogador e histórico adestrador do Barcelona.