O aeroporto de Palmerston North, orixinalmente chamado aeródromo de Milson, é un aeroporto na rexión de Manawatu-Wanganui de Nova Zelandia, servindo á cidade de Palmerston North e ao centro da Illa Norte do país. Está situado no suburbio de Milson, a uns 5,5 quilómetros ao nordés do centro da cidade. O aeroporto pertence totalmente ao Consello da cidade de Palmerston North. É o oitavo aeroporto máis concorrido do país, con 515 727 pasaxeiros no ano fiscal 2016.