O aeroporto de Budapest-Ferenc Liszt, é o aeroporto internacional que serve a Budapest, a capital de Hungría, sendo o maior dos catro aeroportos comerciais do país. Está situado a 16 quilómetros ao sueste do centro da cidade e foi rebautizado no ano 2011 na honra do famoso compositor húngaro Franz Liszt polo 200 aniversario do seu nacemento. O aeroporto gañou o premio Skytrax Best Eastern European airport tres veces seguidas entre 2014 e 2016.