abrótega

abrótega (sg: abrótega; pl: abrótegas)

(Botánica) Nome de varias plantas monocotiledóneas da familia das liliáceas pertencentes ao xénero Asphodelus, especialmente Asphodelus albus Willd., robusta, perenne, con rizoma groso e numerosas follas, todas basais, alongadas, con sección en "V", semellantes ás do allo, e caule afilo, de até 1 m, cun acio de flores brancas, que abunda en terreos incultos. Outras especies presentes en Galicia son A. ramosus Linné = (A. aestivus auct. = A. microcarpus Viv.), o asfódelo de verán ou asfódelo ramoso, e A. fistulosus Linné, o asfódelo fistuloso.
- Exemplo: Na antiga Grecia cultivábanse abrótegas nos cemiterios, quizais porque crían que facilitaban o tránsito ao outro mundo.

(Para a especie Asphodelus albus Willd.)