From Wikipedia, the free encyclopedia
O xudaísmo ortodoxo é unha das grandes pólas da relixión xudía na actualidade, xunto co xudaísmo conservador ou masortí e o xudaísmo reformista. Distínguese delas pola súa adhesión rigorosa á Halajá. Carece dunha autoridade doutrinal central permitindo certa variación na práctica.
Segundo a súa actitude cara a cultura contemporánea, o xudaísmo ortodoxo divídese informalmente en xudaísmo ortodoxo moderno, que busca adecuar ata algún punto as súas prácticas e estudos á situación social contemporánea, e o xudaísmo haredí, que rexeita toda innovación que os seus líderes consideren contraria ó espírito da Torá.
As divisións doutrinais neste senso non se fixaron ata arredor do século XVIII, no que baixo o influxo da Ilustración, certos sectores da comunidade xudía rexeitaron a segregación imposta polas prácticas relixiosas convencionais e buscaron integrarse —malia o daquela dominante antisemitismo— nas comunidades nacionais. O rexeitamento a este movemento definiu a ortodoxia.[1] A ortodoxia é un movemento creado no século XIX en contra dos rabinos e dirixentes que ensaiaban xeitos de combinar xudaísmo e modernidade.
O xudaísmo ortodoxo basea as súas crenzas nos "Trece principios de fe" de Maimónides:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
