Universidade da Columbia Británica

A Universidade da Columbia Británica (en inglés : University of British Columbia, de aí o acrónimo UBC, en francés : Université de la Colombie-Britannique) é unha universidade pública canadense.

Universidade da Columbia Británica
Datos xerais
Datos actuais
Datos de contacto
[ editar datos en Wikidata ]

Historia

Fundada en 1908 ^[1], a UBC é a institución de ensino superior máis antiga da provincia da Columbia Británica .

Estrutura

Campus

A Universidade da Columbia Británica consta de dous campus diferentes: o principal, situado en Vancouver (en inglés: University of British Columbia, Vancouver - UBCV ) e o secundario (en inglés: University of British Columbia, Okanagan - UBCO ) situado en Kelowna. O campus está situado aproximadamente a dez quilómetros ao oeste do centro de Vancouver, ao que está conectado por unha extensa rede de transporte público.

Colexios

Hai dous colexios universitarios no campus de Vancouver, Green College e St. John's College.

TRIUMF

A súa parte sur alberga TRIUMF, o Laboratorio Nacional de Física de Partículas e Física Nuclear de Canadá. TRIUMF é o fogar do ciclotrón máis grande do mundo ^[2], tamén usado para a produción de isótopos con fins médicos.

Bibliotecas

O sistema de bibliotecas da universidade é unha das maiores coleccións do Canadá, aloxada en vinte e unha bibliotecas e salas de lectura^[3].

Outros edificios

Outras instalacións importantes da universidade son o teatro Chan Center for the Performing Arts, o Xardín Botánico da UBC e o Museo de Antropoloxía da Universidade da Columbia Británica.

Comunicacións

A universidade publica o semanario The Ubyssey ^[4], fundado en 1918 e editado por estudantes; tamén conta cunha emisora de radio, CITR-FM, activa desde 1937^[5].