Uagadugú

Uagadugú^[1] ou Ouagadougou á maneira francesa, denominada coloquialmente Uagá ou Ouaga, é a capital de Burkina Faso, sendo á vez a maior cidade do país, cunha poboación de 1,2 millóns de habitantes (2005), e aínda o centro cultural, económico e administrativo. Os habitantes de Ouagadougou son os Ouagalais (máis ou menos uagalé) ou Ouagavillois (uagavilluá).

Uagadugú

Ouagadougou (fr)
Localización
12°22′07″N 1°31′39″O
Estado	Burkina Faso
Rexión	Rexión Centro
Provincia	Kadiogo
Departamento	Ouagadougou (pt)
Capital de	Burkina Faso
Poboación
Poboación	2.453.496 (2019) (11.187,85 hab./km²)
Lingua oficial	lingua francesa
Xeografía
Superficie	219.300.000 m²
Altitude	305 m
Creación	1050
Organización política
• Xefe do goberno	Armand Béouindé (en) (2016–)
Membro de	Rede de cidades creativas (2017–)
Identificador descritivo
Código postal	10010
Fuso horario	UTC±00:00
Prefixo telefónico	5030 - 5038
Outro
Irmandado con	Briton Ferry (pt) San Miniato (pt) Loudun (1967–) Leuze-en-Hainaut (pt) (1968–) metrópole de Lión (1994–) Cidade de Kuwait (1998–) Grenoble (1999–) Quebec (2000–) Turín (2003–) Bordeos (2005–) Taipei (2008–) Douala (2012–)

A denominación orixinaria da cidade é «Woogrtenga» e «Wogodogo», que significa «aló onde se recibe honra, respecto».

Historia

Place des Nations Unies no centro de Uagadugú.

Uagadugú era o nome dun Estado fundado no século XI, do cal era capital Kombemtinga. Esta mesma cidade foi a capital do reino Mossi en 1441, sendo a residencia permanente do Mogho Naba (rei ou emperador dos mossis), que estaba no barrio de Samandin.

En 1919, durante a colonización francesa, o reino Mossi foi reagrupado con outros tres reinos, para formar a colonia do Alto Volta (Haute-Volta). Naquela altura a cidade de Kombemtinga foi rebautizada como Ouagadougou.

Tornouse capital da república do Alto Volta (Haute-Volta) en 1960, cando o país obtivo a independencia.

Clima

O clima de Uagadugú é bastante cálido. A cidade forma parte da área saheliana, cunha pluviosidade media de 750 mm anuais. A estación chuviosa abrangue de maio a outubro, cunha media de temperaturas de 30 °C. A estación fría vai de decembro a xaneiro, atinxíndose mínimas medias de temperatura de 19 °C. As máximas medias de temperatura danse durante a estación cálida, que vai de abril a maio, podéndose alcanzar os 45 °C. O harmattan (un vento seco) e máis o monzón, son os factores principais que determinan o clima de Uagadugú.

Turismo

Uagadugú dispón de ofertas culturais para nativos e visitantes. Cómpre destacar:

Museos

• Museo de Kadiogo
• Museo Etnográfico
• Museo da Música

Monumentos de interese

• Gran Mesquita
• Catedral
• Pazo dos Mogho Naba
• Monumento dos Cineastas
• Monumento aos Heroes Nacionais (en construción)

Comunicacións

Está unida ao porto de Abidjan, en Costa do Marfil, por ferrocarril. Posúe un aeroporto internacional.