Souto de Rozavales

O Souto de Rozavales, tamén nomeado Souto de Rozabales^[1], é un souto de castiñeiros que se atopa na parroquia de San Martiño de Manzaneda (Manzaneda). Neste souto destaca o castiñeiro de Pumbariños, declarado árbore senlleira, que é a súa árbore máis singular xa que ten un perímetro basal de 13 metros e unha base de 1,90 metros. Este souto adevesado e en xeral enxertado empregouse para obter madeira e castañas e pode ter preto de 1.000 anos.^[2][3]

Véxase tamén: Castiñeiro de Pumbariños.

Souto de Rozavales

Tipo	Bosque primario Monumento natural Árbores senlleiras de Galicia
Localización
División administrativa	San Martiño de Manzaneda, España
42°18′27″N 7°14′37″O
Características
Superficie	1,8 ha

Foi declarado monumento natural polo Decreto 78/2000, do 25 de febreiro e incluído no catálogo de árbores senlleiras en 2007.^[2][3]

Características

O souto ten unha extensión aproximada de 1,8 ha. Os exemplares do souto son enxertados e durante séculos foron aproveitados para a recollida de castañas. O souto está dentro da ruta turística ruta Ourense Oriental da Xunta de Galicia.

Castiñeiro de Pumbariños

O castiñeiro de Pumbariños é un castiñeiro da especie Castanea sativa Mill. O castiñeiro é de máis de 13 metros de perímetro e cunha base, da base ata as pólas, de 1.90 metros. Ten un perímetro medio de 12,15 m (entre 13 e 15 en función da altura do toro)^[4] As súas polas principais son de entre 6 e 8 metros e a súa copa abrangue un diámetro de 20 metros. Calcúlaselle unha idade de 500 anos, polo que sería unha das árbores galegas coñecidas máis vella.^[3][5]

Notas

1. O nome oficial segundo o Nomenclátor da Xunta de Galicia é Souto de Rozavales; no DOG e en varias páxinas de información sobre o souto, tamén da Xunta de Galicia, aparece co nome de Souto de Rozabales.
2. Consellería de Medio Ambiente (Mércores, 12 de abril de 2000). Xunta de Galicia, eds. "DECRETO 78/2000, do 25 de febreiro, polo que se declara monumento natural o Souto de Rozabales, no concello de Manzaneda (provincia de Ourense).". DOG (Núm. 72): páx. 5.144.
3. Consellería de Medio Ambiente, Territorio e Vivenda. Xunta de Galicia, eds. "Monumentos Naturais".
4. La Voz de Galicia, eds. (25/08/2015). "Un castaño al que abrazar".
5. Juanjo Eireos (11/05/2017). El Correo Gallego, eds. "Árbores Senlleiras: as testemuñas vivas da historia de Galicia". Santiago de Compostela. Arquivado dende o orixinal o 20/01/2018. Consultado o 28/07/2020.

Ligazóns externas

• Turismo Enxebre: Castiñeiro Milenario