Siareiros Galegos

Siareir@s Galeg@s é un colectivo de apoio ás seleccións nacionais galegas que naceu no ano 2005, aínda que a súa actividade xa comezara a mediados da década dos 90.

Siareir@s Galeg@s
Organización de apoio á oficialidade das seleccións galegas
Historia
Fundación	1997
Posicións políticas
Ideoloxía	Oficialidade das distintas seleccións galegas, especialmente da de fútbol.
Outros datos
Sede	Santiago de Compostela
Na rede
siareirasgalegas.org
v c e

Adhesivo representativo dos Siareiros galegos, neste caso concretamente dun grupo denominado Celtarras

Historia

A súa andaina como colectivo deu inicio o 29 de decembro de 2005, sendo nesta data o primeiro partido oficial da Selección Galega de fútbol despois de 69 anos sen poder facelo. O partido foi un rotundo éxito, conseguindo rematar días antes coas entradas para o encontro contra Uruguai no estadio compostelán de San Lázaro, onde o fondo sur foi ocupado por Siareiros Galegos. O Galiza - Uruguai foi retransmitido pola TVG, nunha chuviosa noite.

No 2006, a Selección Galega xogou o seu segundo partido da era moderna, contra Ecuador, o cal remataría 1-1. O partido foi xogado no estadio herculino de Riazor, ante unhas 25.000 persoas, que arrouparon á selección en todo momento. Tamén asistiron algúns membros da comunidade ecuatoriana en Galiza. Antes do partido, o colectivo Siareiros Galegos organizou unha manifestación a prol da oficialidade das seleccións deportivas galegas, que foi seguida por unhas 3.000 persoas, recorrendo as rúas máis céntricas da Coruña. Logo acudiría ao fondo do estadio de Riazor, enchendo o mesmo e creando un ambiente extraordinario.

O colectivo conta na actualidade con centos de socios por todo o país e organiza todo tipo de actividades cívicas relacionadas co deporte, así como concertos e coloquios.

Partido Galiza-Kurdistán

Partidos reivindicativos organizados por Siareir@s Galeg@s (2009–2015)
Data	Lugar	Equipo Local	Equipo Visitante	Resultado
26-12-2009	Santa Isabel, Santiago	Galicia	Club Deportivo Paraguayo	9 - 0
23-12-2010	Os Remedios, Ourense	Galicia	Palestina	6 - 3
23-12-2011	Cacheiras, Teo	Galicia	Sáhara Occidental	2 - 1
29-12-2012	A Xunqueira, Pontevedra	Galicia	Kurdistán	3 - 2
28-12-2013	O Polvorín, Lugo	Galicia	Occitania	1 - 7
26-12-2015	Santa Isabel, Santiago	Galicia	Senegal	1 - 0

Véxase tamén

Outros artigos

• Galería de imaxes de deporte en Galicia

Ligazóns externas

• Páxina web de Siareir@s Galeg@s Arquivado 01 de xaneiro de 2019 en Wayback Machine.
• Blog de Siareir@s Galeg@s