Serra de Talamanca
From Wikipedia, the free encyclopedia
A cordilleira de Talamanca é a serra de maior elevación do sur de América Central. Esténdese desde a parte sur do Val Central de Costa Rica e continúa en territorio da República de Panamá cos nomes de Chiriquí, Cordilleira Central e Tabasará. En Costa Rica, a través da Estrada Interamericana Sur pódese acceder facilmente a un dos puntos máis elevados da cordilleira, o Cerro Buenavista (3491 msnm), máis comunmente chamado Cerro da Morte, pola comparación de clima a esta altura en contraste co resto do territorio costarriqueño. O pico máis alto é o Cerro Chirripó, localizado dentro do parque nacional do mesmo nome, que posúe 3820 metros de altura sobre o nivel do mar. Tamén alberga o Parque Internacional La Amistad, que comparte territorio co país veciño de Panamá. Este parque é a zona protexida máis grande de Costa Rica e foi declarada Reserva da biosfera pola Unesco en 1990. É de grande importancia porque serve de hábitat a especies grandes de mamíferos como a danta, o xaguar, o puma, e diversas especies de aves como o quetzal ou varias especies de aves canoras.
| |||||
| Tipo | cordilleira  | ||||
|---|---|---|---|---|---|
| |||||
| Cordilleira | Cordilleira americana | ||||
| Características | |||||
| Altitude | 3.820 m | ||||
| Punto máis alto | Cerro Chirripó (3.820 m ) | ||||
| Historia | |||||
| Período de tempo | Mioceno | ||||
En elevacións sobre os 1800 msnm predominan os bosques de carballos de grande tamaño en toda a cordilleira. Arredor dos 3000 msnm comeza a transición do bosque de montaña cara a páramo, onde se poden ver arbustos e bambú anano até os 3300 msnm. Polos 3400 msnm predominan gramíneas e asteráceas moi resistentes aos cambios bruscos de temperatura. O páramo alcanza temperaturas nocturnas de conxelación desde os 3300 msnm. A altitudes inferiores estas danse de forma estacional, especialmente entre os meses de decembro e marzo.
- Cerro Chirripó - 3820 msnm (Costa Rica)
- Cerro Kamuk - 3554 msnm (Costa Rica)
- Cerro da Morte - 3491 msnm (Costa Rica)
- Volcán Barú - 3475 msnm (Panamá)
- Cerro Fábrega - 3335 msnm (Panamá)
- Cerro Itamut - 3293 msnm (Panamá)
- Cerro Durika - 3280 msnm (Costa Rica)
- Cerro Echandi - 3163 msnm (Panamá)
Ligazóns externas
- Fuego y hielo en Talamanca (documental)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
