Salud Torres

Salud Torres Díaz, nada en Ourense en 1912 e finada en Mosteiro de Ribeira (Xinzo de Limia) o 29 de outubro de 1937, foi unha sindicalista e política galega.

Salud Torres

Biografía
Nacemento	1912 Ourense, España
Morte	29 de outubro de 1937 (24/25 anos) Mosteiro de Ribeira, España
Causa da morte	paseo, ferida por arma de fogo
Actividade
Ocupación	sindicalista, política
Familia
Irmáns	Silvio Torres Díaz

Traxectoria

Delegada da UGT e militante do PCE, participou no mitin do Partido celebrado no Teatro Principal en abril de 1934.^[1] Coa folga xeral revolucionaria de 1934 foi detida xunto co seu irmán Silvio, acusados de repartir panfletos incitando aos soldados á rebelión,^[2] e sometida a consello de guerra.^[3]

Co golpe de Estado do 18 de xullo de 1936 foi detida. Internada no cárcere de Celanova de onde foi sacada para ser asasinada en Mosteiro de Ribeira o 29 de outubro de 1937 canda María del Valle Lozano. Destrozárolle o cerebro ao ser fusilada. O seu cadáver foi atopado en Lomba de Lamas e trasladado ao cemiterio nun carro polos veciños.^[4]

En xullo de 2019 a Asociación para a Recuperación da Memoria Histórica iniciou a recuperación dos seus restos.^[5]

Recoñecementos

• Claudio Rodríguez Fer escribu o poema “O terror en carro de vacas” que rememora os asasinatos de María e Salud.

Notas

1. El Pueblo Gallego, 11-4-1934, p. 12.
2. Galicia, 21-10-1934, p. 1.
3. El Compostelano, 22-10-1934, p. 2.
4. Marcos Pérez Pena (11 de abril de 2019). "Na procura dos restos das 'Mártires de Xinzo de Limia' asasinadas en 1937". Praza Pública. Consultado o 12 de abril de 2019.
5. Inician a exhumación de dúas mulleres galegas asasinadas pola ditadura franquista

Véxase tamén

Ligazóns externas

• Buscarán a las mártires de Xinzo de Limia, asesinadas en 1937: María del Valle Lozano y Salud Torres Díaz