O río Neira nace na Serra do Portelo e ten 56 km de lonxitude. As súas fontes, a 840 m de altitude, están situadas na Fontaneira, concello de Baleira.
Características
A súa cunca abrangue uns 830 km² e está flanqueada por diversas serras que a separan das cuncas veciñas: ó norte, o Monciro e a Serra do Mirador son a divisoria coas augas da Terra Chá, e o bloque do Corgo sepárao do río Chamoso.
Do río Eo sepárana os montes do Cádavo, e do Navia, a Serra do Portelo e a da Pena do Pico ó leste. Polo sur, a Serra do Oribio é a divisoria co río Lor, e a Serra de Edramo, a que a separa do Cabe.
No seu curso alto orixina o val de Neira de Rei (parroquias de San Martín e San Miguel) e, após un encaixamento en que discorre paralelo a autovía A-6, o val de Neira de Xusá (onde se localiza a vila de Baralla). Xa en Láncara, diríxese á Pobra de San Xiao e flúe suavemente deica a desembocadura facendo fronteira entre os concellos do Corgo (marxe dereita, ao norte) e O Páramo (marxe esquerda, ao sur).
Entre Láncara e Carracedo recibe pola esquerda ó río Lamas e máis adiante os seus dous principais afluentes, o Tórdea e o Sarria. Desemboca pola marxe esquerda do Miño, na confluencia dos Concellos de Guntín, O Páramo e O Corgo.
O Neira recibe pola dereita as augas do Trabazas, Val Pedroso, Mazuco, A Pena, Xenil, Guimarei, Basille, A Cabaleira, A Aspara, O Val, O Novo, Obira e o río Tórdea.
É un río con gran riqueza piscícola e ecolóxica. Nas súas vertentes mostra fragas de carballos, castiñeiros e bidueiros, onde atopa refuxio unha numerosa e variada fauna.
Galería de imaxes
- Artigo principal: Galería de imaxes do río Neira.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.