O Ibaizabal é un río de Biscaia, no norte de España. Etimoloxicamente ven de ibai, "río" e zabal, "ancho" en éuscaro, é dicir «río ancho».
| Río Ibaizabal | |
|---|---|
 O Ibaizabal baixo a ponte de Astola | |
| País | España |
| Nacemento | Montes Anboto e Udalaitz |
| Lonxitude | 43 km |
| Conca | 1.900 km² |
| Caudal medio | 11,8 m³/s |
| Desembocadura | Ría de Bilbao (Mar Cantábrico) |
Nace na fronteira de Biscaia con Áraba e Guipúscoa, preto de Elorrio, de varios arroios dos montes Anboto e Udalaitz, na Cornixa Cantábrica. Adóitaselle denominar Ibaizabal a partir da unión do Zumelegui e o Arrázola, que se unen no val de Axpe Achondo.
Corre en dirección noroeste polo chamado Val do Ibaizabal e atravesa o Duranguesado. Conflúe en Basauri co Nervión, un río de similar caudal e lonxitude, e xuntos corren en dirección noroeste. Á altura de Bilbao forman a ría de Bilbao (tamén chamada ría do Nervión ou do Ibaizabal), que desemboca no mar Cantábrico.
En todo o seu percorrido, fóra da súa parte alta, as súas beiras están altamente urbanizadas e industrializadas, principalmenete con industrias metalúrxicas e químicas (papeleiras) o que deteriora a calidade das augas e altera os ecosistemas propios das súas beiras ao verse canalizado e encaixonado en moitos tramos da súa canle. As reformas do saneamento melloraron moito a calidade das súas augas.
Galería de imaxes
O Ibaizábal-Nervión por Santa Isabel (Arrigorriaga).
Confluencia, ría e desembocadura de Nervión e Ibaizábal.
Véxase tamén
Ligazóns externas
- Ríos de Euskadi. (en castelán)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
