Río Forth

O río Forth (en gaélico escocés: Uisge For ou tamén Abhainn Dhubh, que significa augas negras), é un curto río costeiro da vertente do mar do Norte do Reino Unido que discorre integramente por Escocia. Nace no lago Ard no val de Trossachs, a uns 30 km ó oeste da cidade de Stirling. Corre en dirección leste cruzando a localidade de Aberfoyle. Pouco despois recibe as augas dos ríos Duchray e Kelty e entra na zona pantanosa coñecida como Flanders Moss, onde recibe os ríos Teith e Allan antes de atravesar a cidade de Stirling. Nesa cidade o río ensancha e empeza a estar afectado as mareas do próximo mar. Cruza as localidades de Cambus, onde recibe ao río Devon, Alloa, Fallin e Airth. Ó chegar á localidade de Kinkardine, o río ensancha e ábrese o estuario de Forth.

Para outras páxinas con títulos homónimos véxase: Forth (homónimos).

Río Forth

Tipo	río
Inicio
División administrativa	Stirling, Reino Unido (pt) e Clackmannanshire, Reino Unido (pt)
Final
División administrativa	Escocia, Reino Unido
Localización	Estuario de Forth
56°03′53″N 3°43′41″O B 56°03′54″N 3°43′39″O
Afluentes	River Teith (en) , River Devon (en) , Bannock Burn (en)
Características
Dimensións	47 () km

Durante a Idade Media, o río era navegable até Stirling. Porén, no presente é moi raro o tráfico fluvial máis aló de Kinkardine, debido á colmatación do leito do río e o aumento do tamaño das embarcacións.

Até a apertura de modernas pontes nos séculos XIX e XX, o lugar máis ó leste no que o ancho do río permitía cruzalo era Stirling, onde existiu unha ponte dende o século XIII. Sobre devandita ponte tivo lugar a Batalla da ponte de Stirling en 1297 na que as forzas escocesas de Andrew de Moray e William Wallace derrotaron ás tropas inglesas enviadas por Eduardo I de Inglaterra dentro do contexto das Guerras de independencia de Escocia.

Véxase tamén

Wikimedia Commons ten máis contidos multimedia na categoría:  Río Forth

Ligazóns externas

• Scottish Parliament: Forth Crossing Bill Committee Report Arquivado 05 de outubro de 2010 en Wayback Machine., marzo de 2010.
• River Forth Crossing: House of Commons debates, 18 de maio de 2009.