Río Alberche

O Alberche é un dos importantes afluentes da beira dereita do río Texo, ao cal tributa as súas augas logo dun percorrido de 177 km e de atravesar as comunidades autónomas españolas de Castela e León, Madrid e Castela-A Mancha.

Río Alberche

Tipo	río
Inicio
Altitude inicial	1.700 m
División administrativa	provincia de Toledo, España
Localización	Serra de Gredos
Final
Localización	Río Texo
40°24′36″N 5°13′26″O B 39°57′50″N 4°46′14″O
Afluentes	Garganta de Iruelas (en) , Garganta de la Yedra (en) , Cofio River (en) , Perales River (en) , Arroyo de Tórtolas (en) , Arroyo de Ventálama (en) , Piquillo river (en) , Arroyo de Montrueque (en) , Arroyo de Marigarcia (en) , Arroyo de la Garganta (en) , Arroyo Garganta de Navalacruz (en) , Gaznata River (en) , Arroyo Grande (en) , Arroyo de Berciana (en) , Q24003019 , Barragem de Cazalegas (pt)
Conca hidrográfica	conca hidrográfica do Texo
Características
Dimensións	100 () km
Superficie da cunca hidrográfica	4.108 km²
Medicións
Caudal	14,7 m³/s

Curso

O río Alberche nace na paraxe denominada Fuente Alberche, sita na lomba de Cuarenta Pinos, a 1.800 m.s.n.m., na provincia de Ávila. No seu curso alto, no que circula moi encaixado, acaba por tomar unha dirección oeste-leste para dirixirse cara a provincia de Madrid, atravesando unha fractura da serra de Gredos, entrando polo concello de San Martín de Valdeiglesias, no sueste da provincia.

No curso medio, no municipio de Aldea del Fresno, recibe o río Perales, e efectúa un grande meandro, que o vira en sentido suroeste. Isto débese ao efecto de captura, pois orixinariamente o Alberche era un tributario do río Guadarrama. A confluencia do Perales e o Alberche forma un extenso areal, coñecido popularmente como a "Praia de Madrid". O río abandona a provincia madrileña polo concello de Villa del Prado.

Pasa logo a fluír pola provincia de Toledo, para finalmente desembocar na beira dereita do Texo, uns 5 km antes da cidade Talavera de la Reina, na paraxe denominada El Cristo.

Afluentes e conca

Son, en xeral de percorrido curto. Destacamos:

• Perales, 35 km, que incorpora pola marxe dereita.
• Cofio, 56 km, pola beira esquerda.

A conca do Alberche ocupa cerca de 4.108 km²; o seu caudal medio é de 14, 7 m³/s.

Explotación

Construíronse no río varios encoros. No seu curso alto, na provincia de Ávila están os encoros de El Burguillo e Charco del Cura. No tramo medio, xa en Madrid, os de San Juan; Picadas, do que parte a canle do transvasamento Picadas-La Sagra, que serve esa comarca toledana; e xa na provincia de Toledo o encoro de Cazalegas.

No seu tributario, o río Cofio, está localizada a presa de Robledo de Chavela, que abastece de auga a esa localidade, cunha capacidade de 0,2 hm3.

Protección ambiental

A garganta de Iruela no curso alto do Alberche está declarada ZEPA.

Localidades que atravesa

• El Tiemblo, Ávila.
• Toledo.

Commons ten máis contidos multimedia sobre:  Río Alberche