Os polipteriformes (Polypteriformes) son unha orde de peixes óseos primitivos da clase Actinopterixios (Actinopterygii). Só comprenden unha única familia, os poliptéridos (Polypteridae), coñecidos como bichires, e a súa distribución mundial redúcese a augas de ríos e lagos de África.
Características
Presentan un corpo alongado ou angüiliforme, recuberto de pequenas escamas ganoides, grosas e romboides. As aletas pectorais teñen unha base lobulada e a aleta dorsal está dividida en varias pequenas aletas (8 ou máis) formadas por un radio espiñoso que soporta unha membrana pequena. A caudal é simétrica e con forma de frecha.
Os exemplares xuvenís presentan branquias externas, que pasan a ser internas nos adultos. A vexiga natatoria, comunicada por un conduto co esófago, sérvelles como órgano respiratorio accesorio.
Actualidade
Estes peixes son especies populares en acuarios, de carácter pacífico e relativamente pouco activos, polo que prefiren permanecer asentadas no fondo do acuario.
Véxase tamén
Ligazóns externas
 |
Commons ten máis contidos multimedia sobre: Polipteriformes |
 |
Wikispecies posúe unha páxina sobre: Polipteriformes |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
