Peter Eisenman

Peter Eisenman, nado en Newark (Nova Jersey) o 11 de agosto de 1932, é un arquitecto estadounidense coñecido por amosar un certo parelelismo entre os seus proxectos e as súas ideas filosóficas e teorías literarias. Englóbase, especialmente grazas aos seus últimos traballos, dentro do estilo arquitectónico desconstrutivista.

Peter Eisenman

Biografía
Nacemento	11 de agosto de 1932 (92 anos) Newark, Estados Unidos de América
Educación	Universidade de Columbia Columbia High School (en) Universidade Cornell Columbia Graduate School of Architecture, Planning and Preservation (en) Trinity College Cornell University College of Architecture, Art, and Planning (en) Universidade de Cambridge
Actividade
Campo de traballo	Arquitectura
Ocupación	arquitecto, profesor universitario, escritor
Empregador	Universidade Harvard Yale School of Architecture (en)
Membro de	Academia Estadounidense das Artes e as Letras Academia das Artes e das Ciencias dos Estados Unidos
Movemento	Arquitetura pós-moderna (pt)
Pseudónimo literario	Eisenman, Peter David‏
Obra
Obras destacables State Farm Stadium (pt)
Familia
Cónxuxe	Cynthia C. Davidson Elizabeth Henderson
Irmáns	Robert Eisenman
Premios
(20 de decembro de 2018)  Honorary doctor of the Technical University of Berlin (en) (2010)  Wolf Prize in Architecture (en) (17 de abril de 2006)  honorary doctor of Syracuse University (en) (2004)  RIBA Charles Jencks Award (en) (2003)  honorary doctor of the Sapienza University of Rome (en) (2000)  Oso de Berlín (1976)  Bolsa de estudos Guggenheim  doutor honoris causa Concedido por Instituto Pratt  doutor honoris causa Concedido por Universidade de Illinois Chicago (pt)

Traxectoria

Educación

Cidade da Cultura en Santiago de Compostela.

Fixo os seus estudos de secundaria no Columbia High School, Maplewood. Xa na universidade obtivo o grao en arquitectura pola Universidade de Columbia e un máster e doutoramento na Universidade de Cambridge. Dende o ano 2003 recibiu un total de catro títulos de Doutor honoris causa, pola Università La Sapienza (Roma), a University of Illinois (Chicago), o Pratt Institute (Nova York) e Syracuse University (tamén en Nova York).

Carreira

Memorial do holocausto en Berlín.

A finais dos anos cincuenta foi colaborador de Walter Gropius, e no 1975 foi un dos integrantes dos Five Architects. En 1982 fundou o Institute for Architecture and Urban Studies, de Nova York.

Peter Eisenman, descendente de inmigrantes xudeus alemáns de Estrasburgo, é internacionalmente recoñecido pola súa visión provocadora da arquitectura. Construíu unha serie innumerable de proxectos a grande escala incluíndo o Wexner Center para as Artes na Ohio State University, o Greater Columbus Convention Center en Columbus, Ohio, e o Aronoff Center for Design and Art na Universidade de Cincinnati.

Como resultado do concurso de ideas que gañou, constrúe en Santiago de Compostela a Cidade da Cultura, un conxunto de edificios destinados a actividades culturais. Unhas obras que lle levaron a completar un deseño orixinal da cidade de John Hejduk e a colaborar cos arquitectos españois Andrés Perea e Andrés Jaque. As obras foron obxecto de polémicas públicas pola súa xestión económica e polas dúbidas sobre a súa utilidade posterior.

Véxase tamén

Ligazóns externas

• Páxina oficial de Eisenman Architects (en inglés)