Perístilo

O perístilo (latín peristylum) é na arquitectura clásica unha serie de columnas que arrodean un patio ou un edificio e que marcaban unha separación respecto do pórtico. Tamén se usaban para circundar a estrutura central dos templos gregos. O espazo central delimitado polas columnas tamén se chama perístilo (do latín peristylium). Era principalmente usado na arquitectura do Antigo Exipto, na Grecia antiga e na Roma antiga, tendo esta última moita influencia no movemento neoclásico.

Reconstrución do perístilo (peristylum) da Casa dos Vetis de Pompeia co peristylium porticado.

Co paso do tempo, a arquitectura relixiosa derivada das basílicas romanas vai dar lugar á aparición do claustro.

Véxase tamén

Bibliografía

• Barbara McManus, "The Peristylium" Arquivado 27 de novembro de 2020 en Wayback Machine. (en inglés)