Pazo de Vilar de Francos

O pazo de Vilardefrancos é unha casa solariega localizada en Vilar de Francos, na parroquia de Artes, no concello de Carballo. O edificio data do século XVI e mantén a súa estrutura orixinal en bo estado de conservación. Actualmente é de propiedade privada e non é visitable.

Para outras páxinas con títulos homónimos véxase: Vilar de Francos.

Pazo de Vilardefrancos
Concello	Carballo
Provincia	A Coruña
Comunidade	Galicia
Coordenadas	43°10′56″N 8°38′39″O
Estilo arquitectónico
Estilo orixinal	(románico)
Estilo actual	(século XVI)
Estado actual	En bo estado
Véxase tamén
Pazos de Galicia
[ editar datos en Wikidata ]

Carballo de Santo Antonio.

Descrición

O edificio principal do pazo está coroado por unha torre defensiva que se remonta á época dos Reis Católicos; érguese como fortaleza para presidir unha encrucillada de vales, bosques e xardíns. O edificio ten planta aproximadamente rectangular formada por un engadido de dependencias á torre central, e está arrodeado por unha muralla amenada que garda as zonas axardinadas e agrícolas. O pazo conta tamén con alpendres, cortes, hórreo e outras dependencias.

Preto do pazo hai un exemplar de carballo duns 700 anos de antigüidade coñecido como o carballo de Santo Antonio, declarada árbore senlleira. Segundo a tradición, as rapazas que conseguen introducir unha pedra dentro da árbore tirándoa de costas casan nese mesmo ano.

Véxase tamén

Ligazóns externas

• Pazo de Vilar de Francos na páxina web colaborativa Patrimonio Galego.