Palleta

Unha palleta é unha lámina ou láminas situadas na embocadura de certos instrumentos de vento, cuxa vibración permite a emisión do son a través do aire producido polo intérprete.

Unha palleta no punteiro.

Palletas de cana afinadas en Dó, para gaita galega.

As palletas están fabricadas con cana, madeira ou metal e existen modalidades que varían segundo o tipo de instrumento.

Tipos

A denominada palleta batente ou palleta sinxela produce o son a través do roce co propio instrumento e consta dunha soa lámina.

• Instrumentos de palleta sinxela son o clarinete e o saxofón.

Tamén existe a chamada palleta dobre, na que o son se produce a través do choque entre dúas láminas unidas.

• Instrumentos con palleta dobre son o óboe, o fagot e a gaita.

Por último, tamén existe a chamada palleta libre, que vibra co paso do aire por unha abertura, que queda bloqueada pola propia lámina cando non existe columna de aire.

• Instrumentos con palleta libre son o acordeón e o harmonio.