Oliva, Valencia
concello da Comunidade Valenciana From Wikipedia, the free encyclopedia
Oliva é un concello da Comunidade Valenciana. Situado no sueste da provincia de Valencia, na comarca da Safor. Ten 26.190 habitantes (INE 2015).
| |||||
| Localización | |||||
|---|---|---|---|---|---|
| |||||
| Estado | España | ||||
| Comunidade autónoma | Comunidade Valenciana | ||||
| Provincia | provincia de Valencia | ||||
| Comarca da Comunidade Valenciana | Safor | ||||
| Capital | Oliva | ||||
| Poboación | |||||
| Poboación | 25.558 (2023) (426,46 hab./km²) | ||||
| Xeografía | |||||
| Superficie | 59,93 km² | ||||
| Bañado por | Mar Mediterráneo | ||||
| Altitude | 25 m | ||||
| Comparte fronteira con | |||||
| Organización política | |||||
| • Alcalde | David González Martínez (2012–2021) | ||||
| Identificador descritivo | |||||
| Código postal | 46780 | ||||
| Fuso horario | |||||
| Código INE | 46181 | ||||
| Código ARGOS de concellos | 46181 | ||||
| Outro | |||||
| Irmandado con | |||||
| Sitio web | oliva.es | ||||
Xeografía
Situado no límite meridional da provincia de Valencia. Polo seu relevo xeográfico pódese dividir en tres zonas ben diferenciadas: a montaña, a chaira ocupada pola horta e a zona pantanosa ao sueste. A costa é baixa e areosa, con praias de areas finas en toda a súa lonxitude. O clima é mediterráneo.
Parte do seu termo municipal está integrado do parque natural do Marjal de Pego-Oliva.
Clima
O clima é mediterráneo de costa, con invernos suaves e quentes veranos. As temperaturas son:
Entre novembro e febreiro poden chegar borrascas de aire frío que afectan a esta zona, pero as temperaturas baixan notabelmente, por exemplo, que un día de decembro estea despexado e 18 °C de máxima, e o día seguinte 14 °C de máxima e choiva. Igualmente entre maio e setembro poden chegar vagas de calor (chegan máis no verán, pero ás veces tamén en maio e setembro), por exemplo, un día de agosto con 32 °C, e un día despois 38 °C.
Núcleos de poboación
No concello de Oliva atópase tamén o núcleo de poboación de Platja d'Oliva. Oliva conta cos seguintes barrios, que se identifican coas circunscricións eclesiásticas:
- Barri de Santa Maria.
- Barri de Sant Roc.
- Barri de Sant Francesc.
Localidades limítrofes
O concello de Oliva limita coas localidades de L'Alqueria de la Comtessa, La Font d'en Carròs, Piles e Vilallonga, todas elas da provincia de Valencia; L'Atzúbia, Dénia, Pego e Ondara da provincia de Alacant.
Demografía
Oliva conta cunha poboación de 27.374 habitantes (INE 2008). Un 18,32 % do seu censo está constituído por inmigrantes.
| 1857 | 1887 | 1900 | 1910 | 1920 | 1930 | 1940 | 1950 | 1960 | 1970 | 1981 | 1991 | 2000 | 2005 | 2006 | 2007 | 2008 |
|---|---|---|---|---|---|---|---|---|---|---|---|---|---|---|---|---|
| 6.984 | 8.779 | 7.956 | 9.619 | 8.995 | 12.178 | 18.407 | 13.343 | 14.579 | 16.772 | 19.580 | 20.311 | 21.001 | 25.318 | 26.844 | 27.374 | 28.279 |
Monumentos
Do seu pasado histórico consérvanse o templo de Santa Maria la Major (cuns valiosos arquivos), a iIgrexa de San Roc (construída sobre a antiga mesquita), a Capela da Verge del Rebollet co antigo convento, as ermidas dos Santos Antoni e Vicent, así como as famosas chemineas no Camí dels Rejolars, e o Mercat Municipal.
Da súa época medieval consérvanse antigas torres de defensa da muralla, que separaban a vila de extramuros, o castelo de Santa Anna e o do Rebollet (destruídos por un gran terremoto en 1598), as casas nobres na Rúa Tamarit, o casco antigo, cheo de típicas casas de arquitectura valenciana. Do antigo barrio mozárabe quedan as súas canellas estreitas e sen disposición xeométrica, da que é estandarte a Rúa a Hoz, que debe o seu nome á súa forma.
Galería de imaxes
Mar Mediterráneo
Mar Mediterráneo
Mar Mediterráneo
Mar Mediterráneo
Véxase tamén
Ligazóns externas
- Ajuntament d'Oliva
- Web turística da Safor
- Federación Valenciana de Municipios e Provincias - Guía Turística
- Oliva no Rexistro de Entidades Locais da Generalitat Valenciana
Wikiwand - on
Seamless Wikipedia browsing. On steroids.