Nicasio Guisasola Domínguez-Gil, nado en Xixón en 1900 e finado en Talavera de la Reina o 10 de xuño de 1940, foi un enxeñeiro agrónomo e político galego.
  | |
| Biografía | |
|---|---|
| Nacemento | 1900 Xixón, España |
| Morte | 10 de xuño de 1940 (39/40 anos) Talavera de la Reina, España |
 Deputado nas Cortes republicanas | |
Representa: Confederación Española de Derechas Autónomas 6 de decembro de 1933 – 7 de xaneiro de 1936 Lexislatura: II lexislatura da Segunda República Española Circunscrición electoral: Pontevedra | |
| Datos persoais | |
| País de nacionalidade | España |
| Actividade | |
| Lugar de traballo | Madrid |
| Ocupación | enxeñeiro agrónomo , político |
| Lingua | Lingua castelá |
Traxectoria
Fillo de Juan Guisasola Válgoma. Enxeñeiro agrónomo, foi profesor de Agricultura do Instituto de Vigo. Xerente da fábrica de osíxeno de Vigo, foi propietario da fábrica de cerámica da Fianteira en Vilalonga (Sanxenxo).[1] Secretario de Unión Regional de Derechas de Vigo en 1932,[2] foi deputado pola provincia de Pontevedra pola CEDA nas eleccións xerais de 1933. Volveu presentarse ás eleccións xerais de 1936 pola candidatura de dereitas, pero non foi elixido. Ao producirse o golpe de Estado do 18 de xullo de 1936 alistouse na Compañía de Voluntarios de Vigo como brigada, combateu en Extremadura e foi ferido en Villagonzalo,[3] alcanzando a gradación de tenente de complemento de Infantaría. Ao rematar a guerra foi designado Xefe da Sección Agronómica da provincia de Madrid.[4] Finou en accidente de automóbil en Talavera de la Reina o 10 de xuño de 1940[5] e foi soterrado en León.[6]
Recoñecementos
- Medalla de Sufrimentos pola Patria.
- Cruz de Guerra.
- 2 cruces vermellas ao mérito militar.
Vida persoal
Casou en Xixón con María Riva Suardíaz en 1925,[7] e foi pai de María Cristina Guisasola Riva.
Notas
Véxase tamén
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
