Neptuno (deus)

Neptuno, fillo de Saturno e Cibeles, en grego coñéceselle como Poseidón (fillo de Crono e Rea). Deus do mar, dos ríos, dos lagos, das fontes e das illas que o rodean. O seu poder chegaba a todos os confíns da terra.

Para outras páxinas con títulos homónimos véxase: Neptuno (homónimos).

Neptuno

Nome orixinal	(la) Neptunus
Biografía
Actividade
Lugar de traballo	Roma Antiga
Celebración	Mitoloxía romana e relixión na Roma antiga
Familia
Cónxuxe	Salácia Anfitrite Tetis Venília
Fillos	Halaesus  () AgamenónBriseis Leucon  () AtamanteTemisto Tritón  () PoseidónSalácia
Pai	Saturno
Irmáns	Vesta Plutón Xúpiter Ceres Xuno
Descrito pola fonte	Pequeno Dicionario Enciclopédico de Brockhaus e Efron Dicionario Enciclopédico Brockhaus e Efron Realencyclopädie der classischen Altertumswissenschaft (pt)

Símbolos

Os seus símbolos eran o tridente e o cabalo, nun principio, o tridente era a imaxe dos dentes e dos monstros mariños, é tamén unha das armas máis antigas de pesca.

Escultura de Neptuno en Copenhague.

No cristianismo é o símbolo de Cristo pescador de homes; as puntas simbolizan o poder de Deus sobre o pasado, o presente e o futuro. O cabalo é o animal que simboliza os dous polos do cosmos, arriba e abaixo, e tamén a forza de Deus sobre os humanos.

Amores e fillos

Mosaico romano de Neptuno e Anfitrite, Herculano.

Na busca de muller fixouse en Anfitrite, fermosa ninfa filla de Océano, pero esta negouse a casar con alguén de quen non estaba namorada, aínda que Neptuno sempre se mostraba afable e correcto. Por outra banda, a tristeza de Neptuno foi resolta por un xovial golfiño que convenceu a Anfitrite da gloria e riquezas que obtería se casaba co deus do mar, e esta, finalmente, aceptou.

A súa esposa moi cedo deulle un fillo, Titrón. Tamén foron descendentes seus o xigante Orión e Polifemo, que naceron das súas aventuras con ninfas de fontes e mananciais. Ademais, a súa relación coa gorgona Medusa, débese á aparición de Pegaso, o famoso cabalo alado.

Mitos relacionados

Neptuno, sendo novo, intentou conspirar contra Zeus, polo que este expulsouno do Olimpo e converteuno nun simple mortal. Nesta época traballou para levantar enormes diques que contiveran as ondas que cegaban ata Troia ás ordes de Laomedonte. Pouco tempo despois, reconciliouse con Zeus e traballou incansablemente pola ordenación do mundo submarino que lle foi confiado. Neptuno desempeña un papel importante en moitos mitos, como cando disputou con Atenea o padroado de Atenas.

Tamén axudou, xunto con Apolo, a construír a muralla da cidade de Troia en defensa do rei Laomedonte. Pero negouse a pagarlles o salario convido e Neptuno enviou un terrible monstro mariño que devastou a cidade, estendendo o seu odio ata a guerra de Troia, cando tomou partido polos gregos.

Véxase tamén

Wikimedia Commons ten máis contidos multimedia na categoría:  Neptuno

Bibliografía