Museo Nacional de Ciencia e Tecnoloxía

Museo Nacional de Ciencia e Tecnoloxía, tamén chamado MUNCYT ou Museo Nacional de Ciencia y Tecnología de España, é un museo dependente da Secretaría de Estado de Investigación, Desenvolvemento e Innovación do Ministerio de Economía e Competitividade, xestionado pola Fundación Española para a Ciencia e a Tecnoloxía (FECYT) e dirixido por Ramón Núñez Centella. A súa sede principal está na Coruña e ten outra sede en Madrid.^[2]

Museo Nacional de Ciencia e Tecnoloxía
Prisma de Cristal, MUNCYT, A Coruña.
País	Galicia
Cidade	A Coruña
Tipo	Científico, tecnolóxico
Director	Ramón Núñez Centella
Construción	Victoria Acebo e Ángel Alonso
Inauguración	2012
Superficie	6500 m² [1]
Na rede
http://www.muncyt.es/
[ editar datos en Wikidata ]
v c e

Contidos

No museo expóñense diversas pezas da historia tecnolóxica de España e Galicia entre as que están algunha relacionada coa cidade da Coruña, como a anterior lanterna da Torre de Hércules que funcionou entre 1857 e 1904. Tamén se pode ver e visitar a cabina do avión que trouxo a España o Guernica de Picasso dende Nova York, unha pequena exposición da historia tecnolóxica en España, iniciativas industriais e a evolución dos medios de comunicación escritos e informáticos.

Antiga lanterna da Torre de Hércules, MUNCYT A Coruña.

Existen visitas guiadas e proxeccións.

Historia da sede coruñesa

O Museo foi inaugurado o 4 de maio de 2012 polos Príncipes de Asturias, se ben non se abriu ó público ata o mes de xuño.

O edificio fora construído pola Deputación da Coruña e ía ser unha escola de artes. A construción, chamada «Prisma de Cristal», deseñada por aceboXalonso Studio,^[3] gañou o primeiro premio da IX Bienal Española de Arquitectura e Urbanismo^[4] e foi reconvertido, con pequenas modificacións, na sede principal do MUNCYT. É un edificio de formigón e cristal con dous andares abertos e comunicados a diversos niveis. A maqueta do edificio exhibiuse no MoMA de Nova York como un dos mellores deseños arquitectónicos actuais.

O seu director, Rámon Núñez, foi director dos museos coruñeses (Casa das Ciencias, Domus e Aquarium Finisterrae), posto que deixou para poñer en funcionamento este novo museo na cidade. Espera acadar os 200.000 visitantes ao ano.^[5]

En novembro de 2012 o museo acadou os 50.000 visitantes cun grupo de estudantes de Coristanco^[6].

Instalacións

• As salas
  • Sala Miscelánea
  • Sala Maiúsculas
  • Sala Patrimonio
  • Sala Innovación española
  • Sala Iberia
  • Século XX
  • Expos Interinas

Galería de imaxes

• 
  Antena parabólica de Televés no MUNCYT A Coruña.
• 
  Vista do teito interior do museo.
• 
  Porta, limiar do MUNCYT A Coruña.
• 
  Cabina do Jumbo Lope de Vega de Iberia na Sala Iberia.
• 
  Prisma de Cristal
• 
  Placa en lembranza da inauguración do edificio o 4 de maio de 2012 polos Príncipes de Asturias.

Notas

1. Datos en culturiplan.org
2. Páxina web oficial do MUNCYT.
3. Original project: Arts Centre of A Coruna Museum and Dance School. First Prize International Competition (en inglés).
4. O Prisma de Cristal, un novo miradoiro científico na Coruña Arquivado 29 de xuño de 2012 en Wayback Machine..
5. El MUNCYT espera recibir 200.000 visitantes en A Coruña en un año (en castelán).
6. Escolares de Coristanco se convierten en el visitante 50.000 del Muncyt de A Coruña. La Voz de Galicia

Véxase tamén

Wikimedia Commons ten máis contidos multimedia na categoría:  Museo Nacional de Ciencia e Tecnoloxía

A Galipedia ten un portal sobre: A Coruña

Ligazóns externas

• Páxina Web do MUNCYT (en varias linguas)
• Vídeo sobre a construción do edificio Prisma de Cristal no YouTube
• Páxina Web de aceboXalonso Studio, Proxecto Prisma de Cristal (en inglés)
• Museos de Ciencia. Ruta norte. (en castelán)