From Wikipedia, the free encyclopedia
Maurice Sendak, nado en Brooklyn (Nova York) o 10 de xuño de 1928 e finado en Danbury (Connecticut) o 8 de maio de 2012 foi un escritor e ilustrador de libros para nenos estadounidense. Foi mundialmente coñecido polo libro Onde viven os monstros, publicado en 1963.
Naceu en Brooklyn de pais xudeus polacos emigrados aos Estados Unidos e decidiu facerse ilustrador impulsado pola visión da película Fantasía, de Walt Disney, cando tiña 12 anos. O seu amor pola lectura desenvolveuse moi pronto porque unha enfermidade o mantivo moito tempo na cama, deixándolle a lectura como único entretemento. O seu primeiro traballo foi crear imaxes para os escaparates de FAO Schwarz, unha tenda de bonecos de Nova York. Ao longo dos anos cincuenta ilustrou libros que outros autores escribían, especialmente a serie O osiño, de Else Homelund Minarik, para converterse posteriormente no autor dos seus propios textos.
Maurice Sendak gañou sona como ilustrador trala publicación do libro Where the Wild Things Are (1963), publicado en galego baixo o título Onde viven os monstros. Aínda que a moitos pais os desgustou o aspecto monstruoso dos personaxes[Cómpre referencia], foi un libro adorado polos nenos e nenas de fala inglesa. Sendak semella sentir unha atracción polo lado prohibido e aterrador das fantasías infantís que o converteu no pasado no centro da controversia.
Leva innumerables reedicións ata converterse nun dos clásicos do século XX.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.