Matilde Pérez Palacio Carranza, nada en Lima o 8 de setembro de 1913 e finada o 16 de agosto de 1992, foi unha política acciopopulista, sufraxista, deputada peruana, historiadora, docente universitaria, xeógrafa e avogada. Estudou na Pontificia Universidade Católica do Perú (PCUP) da cal posteriormente foi catedrática. Pertence á primeira xeración de mulleres parlamentarias peruanas, sendo elixida no ano 1956. Na súa traxectoría como política defendeu activamente os dereitos dos nenos, dos anciáns e das mulleres. Así mesmo, conseguiu grandes logros no ámbito do xornalismo, como o recoñecemento oficial da carreira xornalística.[1][2]
| Biografía | |
|---|---|
| Nacemento | 8 de setembro de 1913  Lima, Perú |
| Morte | 16 de agosto de 1992 (78 anos) |
Member of the Senate of Peru (en)  | |
| | |
| Datos persoais | |
| Educación | Pontifícia Universidade Católica do Peru (pt) |
| Actividade | |
| Ocupación | política |
| Partido político | Acción Popular |
| Premios | |
Filla de Enrique Pérez Palacio e Matilde Carranza Valez. Estudou no Colexio Sacros Corazóns de Belén, onde coñeceu ao que consideraría o seu mentor no terreo espiritual e máis no académico, o sacerdote Jorge Dintilhac, que lle impartiría clase durante os 2 últimos anos de colexio e máis adiante na universidade.[1][2] [3] No ano 1933 obtivo o diploma de contadora mercantil. Graduouse de Bacharel en Filosofía, Historia e Letras no 1934 e doutorouse en Historia e Xeografía no 1936 na Pontificia Universidade Católica do Perú (PCUP). Así mesmo, obtivo o bacharel en Xurisprudencia no 1939, coa tese A delincuencia infantil e a asistencia xurídica debida ao menor. Tamén logrou o título de avogada no 1941 e o grao de doutora en Pedagoxía no 1942.[1][2]
A súa vida laboral estivo principalmente orientada cara a docencia, a que lle outorgaba vital importancia, a súa maior preocupación foi aumentar o nivel cultural das mulleres. Foi profesora de Historia e Xeografía do Colexio de Belén no 1936 e do Colexio Nacional de Mulleres Rosa de Santa María. Ademais, alcanzou a posto de secretaria do Comité Organizador da Acción Católica da Mocidade Feminina e de directora do Instituto Feminino de Estudos Superiores entre o 1941 e o 1970. Así mesmo foi directora e fundadora da Escola de Xornalismo da Universidade Católica do Perú entre 1945 e 1972. Na mencionada universidade rexentou as cátedras de Historia do Perú, Dereito e Socioloxía.[1][2]
No ano 1941, participou na III Asemblea Panamericana de Xeografía e Historia, onde defendeu unha síntese da obra realizada polo seu avó, o doutor Luís Carranza, quen foi Deputado (1868-1874) e Senador por Ayacucho (1886-1895), Un xeógrafo peruano e proxección da súa obra.[1][2]
Do mesmo xeito acadou outros postos de gran relevancia como a vicepresidencia da Federación Internacional de Avogados, a presidencia do INABIF (Programa Integral Nacional para o Benestar Familiar), a presidencia da Unión Latinoamericana de Prensa Católica entre os anos 1959 e 1962 e integrou a representación da UNESCO no Perú. Tamén foi membro do Consello Directivo do Colexio de Periodistas do Perú.[1][2]
Foi elixida deputada por Lima pola Fronte Nacional de Mocidades Democráticas (FNMD) nas primeiras eleccións peruanas que permitiron a participación feminina (1956), obtendo un total de 90 592 votos.[2][4] Co partido político Acción Popular, sucesor do FNMD, foi reelixida deputada en 1963.[5] Así mesmo, logrou ser elixida senadora nas eleccións xerais de 1962 que foron anuladas polo goberno militar polo que nunca chegou a tomar posesión do devandito cargo.[6] Impulsou proxectos para protección de nais solteiras e nenos desamparados, promovendo reformas lexislativas consecuentemente, como por exemplo o Código de Menores (Lei N° 15215). Tamén apoiou a Lei de Recoñecemento Legal da Carreira Xornalística (Lei N° 15630) do ano 1965, xestionou a primeira Lei de Dereitos de Autor (1961) e realizou o primeiro censo de anciáns desamparados no 1981 .[2]
Debido a gran labor que levou acabo polos nenos e nenas máis desfavorecidos e a súa etapa como directora do INABIF, esta institución, dependente do Ministerio da Muller e de Poboacións Vulnerables (MIMP), decidiu, no 2009, poñerlle o seu nome a un Centro de Atención Residencial (CAR) que acababan de construír. Este localízase no distrito de San Miguel en Lima e no 2019 prestaba servizos a un total de 88 rapaces con discapacidade moderada ou severa en situación de abandono e/ou risco social.[7][8]
Así mesmo, o Colexio de Xornalistas do Perú, do que Matilde foi membro do Consello Directivo, en setembro do ano 2020 nomeou a un ciclo de conferencias "Matilde Pérez Palacio Carranza" na súa honra, polos loita e os logros que acadou defendendo o xornalismo.[9]
_-_ribbon_bar.png){kind=small}
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
