As linguas esquimó-aleutianas[1] forman unha familia de linguas que se falan e son nativas do Canadá (Nunavut, Nunavik, Nunatsiavut), Alasca, Groenlandia e a península de Chukchi, no extremo leste de Siberia. Xeograficamente, as linguas esquimó-aleutianas forman parte das linguas indíxenas de América e están consideradas como unha das familias lingüísticas primarias do mundo. Non teñen relación algunha demostrada con ningunha outra familia de linguas de América do Norte[2] polo que se cre que representan a última e separada migración prehistórica de persoas dende Asia.
Mapa das zonas onde se falan linguas esquimó-aleutianas.